ރައްޔިތުންގެ މަޖިލީހުގެ ރައީސް، ރައީސް މުޙައްމަދު ނަޝީދު ލަންކާއަށް މިހާރު ކުރައްވަމުން ގެންދަވާ ދަތުރުފުޅުގައި، އެ ގައުމުގެ ރައީސް ރަނިލް ވިކްރަމްސިންހައާއި ބައްދަލުކުރައްވައިފިއެވެ.

މި ބައްދަލުކުރެއްވުން ކުރިއަށް ގެންގޮސްފައިވަނީ، ސްރީލަންކާގަ އެވެ. އެހެން ނަމަވެސް މި ބައްދަލުވުމާ ގުޅޭ އިތުރު ތަފްސީލެއް ލިބިފައެއް ނުވެއެވެ.

ރައީސް ނަޝީދު ލަންކާއަށް ވަޑައިގެންފައި މިވަނީ، އެމަނިކުފާނު އެމެރިކާއަށް ވަޑައިގެންނެވި ދަތުރުފުޅަށް ފަހު ރާއްޖެ އެނބުރި ވަޑައިގަތުމުގެ ދަތުރުފުޅުގެ ތެރެއިންނެވެ.

ރައީސް ނަޝީދު ސްރީލަންކާގެ ރައީސް ރަނިލްއާއި ބައްދަލު ކުރެއްވިއިރު، އެމަނިކުފާނަކީ މޫސުމީ ކަންކަމުގައި ލަންކާގެ ރައީސަށް ލަފާދޭ ފަރާތެއްގެ ގޮތުގައި އެ ގައުމުގެ ރައީސް ހަމަޖައްސަވާފައިވާ ފަރާތެކެވެ. މީގެ އިތުރުން ލަންކާއަށް ދިމާވެފައިވާ އިގުތިސާދީ ކާރިސާއިން އަރައިގަތުމަށް ބައިނަލްއަގުވާމީ އެހީތެރިކަން ހޯދުމުގައި އެހީތެރިވުމަށް ވެސް ރަނިލް ވަނީ، ރައީސް ނަޝީދު އިސްކޮށް ހަމަޖައްސަވާފައެވެ.