ރައީސް ސޯލިހްގެ ބަރަހަނާ ފޮޓޯއެއް ކަމަށްބުނެ ފޭކް ލިންކެއް ފޮނުވަން ފަށައިފި
ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހްގެ ބަރަހަނާ ފޮޓޯއެއް ކަމަށްބުނެ ފޭކް ލިންކެއް ބައެއް މީހުންގެ ފޯނަށް ފޮނުވަން ފަށައިފިއެވެ.
އެ ލިންކުގައި ބުނެފައިވާ ގޮތުގައި، އެ ލިންކުގައި ހުރި ފުރިހަމަ ކުރަންޖެހޭ ކަންކަން ފުރިހަމަ ކުރުމުން ރައީސް ސޯލިހުގެ ބަރަހަނާ މަންޒަރުތައް އެ މީހަކަށް ފޮނުވާނެ އެވެ. އެހެން ނަމަވެސް މިއީ ވެސް ފަހަކަށް އައިސް ފަތުރަމުންދާ ސްކޭމް ލިންކުތަކުގެ ތެރެއިން ލިންކް އެކެވެ.
މިފަދަ ލިންކުތައް ފޮނުވަމުންދަނީ މީހުންގެ އެކައުންޓްތަކުގައި ހުންނަ ފައިސާ މަކަރާއި ހީލަތުން ފޭރުމަށެވެ. އަދި އެ މީހުން އަންނަނީ ކޮންމެ ދުވަހަކު ވެސް އެކި ނަންނަމުގައި މިފަދަ ލިންކްތައް މީހުންނަށް ފޮނުވަމުންނެވެ.
މީގެ ކުރިންވެސް ތަފާތު އެކި ކަންކަމުގައި މަކަރާއި ހީލަތުން މީހުންގެ މައުލޫމާތު ހޯދުމަށް މިފަދަ ލިންކުތައް ހަދައިގެން ވަނީ ފަތުރާފަ އެވެ. އަދި ދާދި ފަހުން މާލޭގައި ރަހުމް ކުޑަކޮށް މަރާލި ޝިއާއުގެ ފޮޓޯތައް ކަމަށްބުނެވެސް ސްކޭމް ލިންކުތަކެއް ވަނީ ދައުރު ކޮށްފަ އެވެ.
މި ފަހަކަށް އައިސް މަކަރާއި ހީލަތު ފައިސާ ފޭރުމުގެ މައްސަލަތައް އިންތިހާއަށް އިތުރުވެފައިވާއިރު، ފުލުހުން ވަނީ އެފަދަ ލިންކުތަކަށް ނުވަނުމަށް އިލްތިމާސްކޮށްފައެވެ.
Advertisement
This content is created and paid for by advertisers and does not involve Voice Journalists