ދިވެހިރާއްޖޭގެ ސަރަހައްދުން އެންމެ އިންޗިއެއްޗެސް ދޫކޮށް ނުލާކަން ރައްޔިތުންނަށް ސާބިތުކޮށްދިނުމަށް ސަރުކާރުގެ ހިއްސާދާރެއްކަމަށްވާ ޖުމްހޫރީ ޕާޓީގެ ލީޑަރު، ގާސިމް އިބްރާހިމް ގޮވާލައްވައިފިއެވެ.
ގާސިމް މިފަދައިން ގޮވާލައްވާފައިވަނީ ޗާގޯސް މައްސަލައާއި ގުޅިގެން އެމަނިކުފާނު ދެކެވަޑައިގަންނަވާގޮތް ހާމަކުރައްވަމުންނެވެ.
އެގޮތުން ގާސިމް ވިދާޅުވީ ރާއްޖޭގެ ބިމާއި ޖައްވާ ކަނޑުންވެސް އެންމެ އިންޗިއެއްވެސް ގެއްލުމަކީ ނުވަތަ ބަޔަކަށް ދިނުމަކީ ގައުމީ ލޭ ހުރި އެއްވެސް ދިވެއްސަކު އެދޭނެ ކަމެއް ނޫން ކަމަށެވެ.
ރާއްޖޭގެ ކަނޑުގެ އިން ވަކިކުރިޔަސް ބައިނަލްއަގުވާމީ ގާނޫނުން ރާއްޖެއަށް ލިބޭ އެއްވެސް ޙައްގެއް، އިމްތިޔާޒެއް ނުވަތަ ނެގެން އޮތް އެޑްވާންޓޭޖެއް ދޫކޮށްލުމަކީ، ދިވެހި ރައްޔިތުން ހުއްދަ ނުދޭހާ ހިނދަކު އެއްވެސް ފަރާތަކަށް ކުރެވިދާނެކަމެއްކަމަށް ގަބޫލު ނުކުރައްވާކަމަށެވެ. އަދި އެއީ ގާނޫނު އަސާސީގައިވެސް އެކަން އޮތް ގޮތްކަމަށް ގާސިމް ވިދާޅުވިއެވެ.
އެ މައްސަަލައާއި ގުޅިގެން ގާސިމް އިތުރަށް ވިދާޅުވީ ދިވެހިރާއްޖެއާއި ޗާގޮސްގެ ފުށުއަރާ ކަނޑުގެ އިން ވަކިކުރުމުގެ މައްސަލައިގައި، އޮތް ހަމައެކަނި ޙައްލަކީ "އިކުއިޑިސްޓޭންސް" ގެ އުސޫލް ކަމަށް ބަލައި، ބަޔަކު ހަމަ އެދޭ އިރަށް ފަސޭހަކަމާއެކު އެގޮތަކަށް ދީލައިލުމަކީ ރާއްޖެއަށް އެންމެ މަޞްލަޙަތު ހުރި ގޮތް ކަމަކަށް ގަބޫލުނުކުރައްވާ ކަމަށެވެ.
މޮރޭޝިއަސްއާއި ރާއްޖޭގެ ސަރަހައްދު ފެނިގެންދާ ކުރެހުމެއް
އެއީ އިން ވަކި ކުރަން ހުށަހެޅިފައިވަނީ އަންޒަމާނުއްސުރެ އާބާދީގެ ބޮޑު ބައެއް ކަނޑު ރޯއްޖަށް ބަރޯސާވާ މީހުން ދިރިއުޅޭ ދިވެހިރާއްޖެއާއި، މިދިޔަ ބައިގަރުނުވެސް އަސްކަރީ ބަނދަރެއްގެ ގޮތުގައި އަދި މުސްތަގުބަލުގައިވެސް އެފަދަ ގޮތަކަށް އޮތުމުގެ ފުރުސަތު ބޮޑު (އިތުރު 99 އަހަރަށް އެމެރިކާގެ އަސްކަރީ ބަނދަރަކަށް ކުއްޔަށް ދޭން ހުށަހަޅާފައިވާ) ތަނަކާ ދެމެދު އޮތް ސަރަޙައްދެއް ކަމަށް ވާތީކަން ގާސިމް ފާހަގަކުރެއްވިއެވެ. އަދި ވިދާޅުވީ އދގެ ކަނޑުގެ ގާނޫނީ ހަމައިން 200 ނޯޓިކަލް މޭލު ރާއްޖެއަށް ކްލެއިމް ކުރެވޭނެކަމަށެވެ.
އެކަންކަން ފާހަގަކުރައްވާ ގާސިމް ވަނީ ދިވެހި ރައްޔިތުންގެ ހުއްދަ ހޯދުމަކާއި ނުލާ ރާއްޖޭގެ ސަރަހައްދުން އަކަ އިންޑިއެއްވެސް ބޭރު ބަޔަކަށް ނުދޭކަން ސާބިތުކޮށްދިނުމަށް ސަރުކާރަށް ގޮވާލާފައެވެ. އަދި އެ މައްސަލައިގައި ސަރުކާރުގެ ނިންމުމަކީ އަވައްޓެރި އިންޑިއާގެ ނުފޫޒުން އެއްކިބާވެފައިވާ ނިންމުމެއްކަން ސާބިތުކޮށްދިނުމަށްވެސް ގާސިމް ވަނީ އެދިލައްވާފައެވެ.
ޖުމްހޫރީ ޕާޓީގެ ލީޑަރު ގާސިމް އިބްރާހިމް ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހުގެ އަރިހުގައި
"ދިވެހިން އެދެނީ ދިވެހި ސަރުކާރުން، އިޚްލާޞްތެރިކަމާއިއެކު މިކަމުގެ ކަންކަން ކުރާ ތަން ފެނުން. ފީނެން އޮތް އެންމެ ފުނަކަށް ފީނާތަން ދެކުން. ތިމާގެ އަމިއްލަ މުދަލެކޭ ހިތައި އެހެން ބައެއްގެ މިލްކެއް "ބޮޑުބޭބެ" ގެ އެދުމަކަށް ދޫކޮށްނުލާކަން ސާބިތުކޮށްދިނުން"
ޖުމްހޫރީ ޕާޓީގެ ލީޑަރު ގާސިމް އިބްރާހިމް
އިނގިރޭސިވިލާތުގެ ބާރުގެ ދަށުގައި، ރާއްޖޭގެ ދެކުނުން އޮންނަ އޮތް ޗާގޯޒް އައިލެންޑްސް އެ ގައުމުގެ ތަނެއްގެ ގޮތުގައި ބޭއްވުމާއި މެދު ރާއްޖެއިން ދެކެމުން އައި ގޮތް ބަދަލުކޮށް މޮރިޝަސް އާ އެއްކޮޅަށް ވޯޓު ދިނުމަށް ސަރުކާރުން ވަނީ ނިންމާފައެވެ.
ސަރުކާރުގެ އެ ނިންމުމާއި ގުޅިގެން ރާއްޖޭގެ ސަރަހަށްދުން ބައެއް ގެއްލިދާނެކަމުގެ ނުތަވަސްކަން އުފެދި ފާޑުކިޔުންތައް އަމާޒުވުމާއި ގުޅިގެން ސަރުކާރުން ވަނީ، ރާއްޖެއާއި މޮރޭޝިއަށްއާއި ދެމެދު އޮތް ސަހަރައްދުގެ މައްސަލައިގައި ސްޓޭޑް ބަދަލު ނުކުރާކަމަށް ބުނެފައެވެ.
އެއާއެކުވެސް ޗާގޯސް މައްސަލައިގައި ސަރުކާރުން އަމަލުކުރާގޮތް މިހާރަށް ވުރެ ބޮޑަށް ދެ ފުށް ފެންނާނެހެން ކުރިއަސް ގެންދިއުމަށް ސިޔާސީ ދާއިރާގައި ހަރަކާތްތެރިވާ ފަރާތްތައް އެދިލައްވައެވެ.
Advertisement
This content is created and paid for by advertisers and does not involve Voice Journalists
