ތުއްތު ކުދިންނާއި މާބަނޑު މީހުންނަށް އައިޖީއެމްއެޗުގައި ޚާއްސަ ކޮށްފައިވާ "ހިޔަލަ" ވިންގުގެ ލިފްޓުގައި މައްސަލައެއް ޖެހި އެ ވިންގުގެ ބައެއް ހިދުމަތްތައް ވަގުތީ ގޮތުން ދަރުމަވަންތަ ހޮސްޕިޓަލަށް ބަދަލުކުރުމަށްފަހު އަނެއްކާވެސް ހިދުމަތްތައް އައިޖީއެމްއެޗްގެ "ހިޔަލަ" ވިންގަށް ބަދަލުކޮށްފިއެވެ.

ހިޔަލަ ވިންގުގެ ހިދުމަތްތައް ދަރުމަވަންތަ ހޮސްޕިޓަލަށް ބަދަލުކުރީ އެ ވިންގުގައި ބަލި މީހުން އަރައިފޭބުމަށް ބޭނުންކުރާ ލިފްޓަށް ޓެކްނިކަލް މައްސަލައެއް ދިމާވުމުންނެވެ. އެމައްސަލަ ދިމާވުމާއެކު އެތަނުން ދެމުންދިޔަ ހިދުމަތްތައް ދަރުމަވަންތަ ހޮސްޕިޓަލުގެ 12، 16 އަދި 17 ވަނަ ބުރިއަށް ބަދަލުކުރިއެވެ.

އައިޖީއެމްއެޗުން ބުނީ ލިފްޓަށް ދިމާވި މައްސަލަ މިހާރު ހައްލުކޮށްފައިވާ ކަމަށާއި މާބަނޑުމީހުންނާއި ތުއްތު ކުދިންގެ ފަރުވާތައް މާދަމާ އިން ފެށިގެން ކުރިއެކޭ ވެސް ގޮތައް އަނެއްކާވެސް އައިޖީއެމްއެޗްގެ "ހިޔަލަ" ވިންގަށް ބަދަލުކޮށްފައިވާ ކަމަށެވެ.

Advertisement

ހިޔަލަ ވިންގުގެ ފުރަތަމަ ބުރިން ދެމުން ގެންދިޔަ އޯޕީޑީގެ ހިދުމަތައް އެއްވެސް ބަދަލެއް ގެނެސްފައިނުވާއިރު، އައިޖީއެމްއެޗުން ބުނީ ކުރިއެކޭ އެއްގޮތަށް އެ ހިދުމަތް ލިބޭނެ ކަމަށެވެ.