ވިލިމާލެ ކޮމިޔުނިޓީ ގާޑްން ގައި މަސައްކަތްކުރާ ފަރާތްތަކުގެ ކަންބޮޑުވުންތަކާއި ގުޅޭ މަޝްވަރާ ބައްދަލުވުމެއް މާލޭ ސިޓީ ކައުންސިލުން ބާއްވައިފިއެވެ.

މި ބައްދަލުކުރެއްވުމުގައި ވިލިމާލެ ދާއިރާގެ ކައުންސިލަރުގެ އިތުރުން ސިޓީ ކައުންސިލުގެ ބައެއް މެންބަރުންވެސް ބައިވެރިވެވަޑައިގެންނެވިއެވެ.

މި ބައްދަލުވުމުގައި ވާހަކަފުޅު ދައްކަވަމުން މޭޔަރު މުޢިއްޒު ވިދާޅުވީ މާލެ ސިޓީ ކައުންސިލުން މަސައްކަތްކުރަނީ އަބަދުވެސް ރައްޔިތުންގެ އަޑުއަހައިގެން މަސައްކަތް ކުރަން ކަމަށެވެ. އެގޮތުން މި އަދާ ހަމަޔަށްއައި އިރު މިމައްސަލައިގަވެސް ކުރިއަށްދަނީ ހަމަ އެގޮތުގެ މަތިންކަމަށް މުއިއްޒު ވިދާޅުވިއެވެ.

Advertisement

މޭޔަރު ވިދާޅުވީ ވިލިމާލެ ކޮމިޔުނިޓީ ގާޑްން ހުޅުވުމަށް ބޭއްވި ރަސްމިއްޔާތުގައިވެސް މިތަނުން އެހެން ތަނަކަށް ބަދަލުވާންޖެހޭ ކަމަށް ދެންނެވިފައިވާކަމަށާި، މިއީ ވަގުތީ ތަނެއް ކަމަށްވެސް އޭރު ދެންނެވިފައިވާނެ ކަމަށެވެ.

އަދި ވަގުތީގޮތުން މިހާރުތިބި ތަނުގައި ތިބެން ޖެހުނު ކަމުގައިވިޔަސް އެ މަސައްކަތްކުރާ ފަރާތްތައް މަގުމަތި ނުކުރާނެ ކަމުގެ ޔަޤީންކަން މޭޔަރު މުޢިއްޒު ވަނީ ދެއްވާފައެވެ. އަދި މިއީ އެއްވެސް ވަރަކަށް ނޭނގި ކުއްލިއަކަށް އައި ކަމެއް ނޫން ކަމަށާއި،ވިލިމާލޭގައި ބޭއްވުނު 3 ބައްދަލުވުމެއްގައި މިކަމާއި ގުޅިގެން ބައެއް މަޝްވަރާތައް ކުރެވިފައިވާކަން މޭޔަރު ފާހަގަކުރެއްވެވިއެވެ.

މިބައްދަލުކުރެއްވުމުގައި ވާހަކަ ދައްކަވަމުން މުއިއްޒު ވިދާޅުވީ، ކޮމިޔުނިޓީ ގާޑްންގައި މަސައްކަތްކުރައްވާ ފަރާތްތަކުން ހުށަހެޅުއްވި ކަންބޮޑުވުންތައް ބަލައި އެކަމަށް ހައްލެއް ގެނައުމަކީ އަމާޒެއް ކަމުގައެވެ.