ފަތުވާ ކޮމިޓީ ވަޅުލާފައި ބޭއްވުމަށްފަހު ރާއްޖެ އިސްލާމްވީ ދުވަސް ފާހަގަ ކުރުމަކީ ދެކޮޅު ޖެހޭ ކަމެއް ނޫންކަމަށް ކުރީގެ އިސްލާމިކް މިނިސްޓަރ ޑރ. މުހައްމަދު ޝަހީމް އަލީ ސައީދު ވިދާޅުވެއްޖެއެވެ.

ޑރ. މިހެން ވިދާޅުވީ، މިއަދު ފާހަގަކުރާ ރާއްޖެ އިސްލާމްވި ދުވަހާއި ގުޅުވައި ކުރެއްވި ޓުވީޓެއްގައެވެ. 

ޝަހީމް ކުރެއްވި ޓުވީޓުގައި ވިދާޅުވީ، ރާއްޖޭގައި އިސްލާމީ އެއްބައިވަންތަކަން ގާއިމް ކުރުމަށްޓަކައި ޤާނޫނުގައި ކަނޑައަޅާފައިވާ އެންމެ ވަރުގަދަ އަސާސް ކަމުގައިވާ އިސްލާމީ ފަތުވާދޭ ކައުންސިލް ވަޅުލާފައި ބޭއްވުމަށްފަހު މިފަދަ ދުވަހެއް ބާއްވަން އެއްޖެ ޖަލްސާ ކުރުމަކީ ދެކޮޅު ޖެހޭ ކަމެއް ނޫން ކަމަށެވެ.

ޝަހީމް މިހެން ވިދާޅުވެފައިވާއިރު، ރާއްޖެ އިސްލާމްވި ދުވަހާއި ގުޅުވައި ހޯމް މިނިސްޓްރީން ވަނީ ބޮޑު ޖަލްސާއެއްވެސް ބާއްވާފައެވެ. އެ ޖަލްސާގައި ވާހަކަފުޅު ދައްކަވަމުން ހޯމް މިނިސްޓަރ ވިދާޅުވީ، ރާއްޖެއަކީ މީސްކޮޅު މަދު ކުޑަ ޤައުމެއް ނަމަވެސް, ގޮންޖެހުންތަކާއި, ދަތިތަކާއެކުވެސް ސައްތައިން ސައްތަ އިސްލާމީ ޤައުމުތައް ދުނިޔޭގައި މަދުކަމެވެ.