ސަރުކާރުގެ ގިނަ އޮފީސްތަކެއް ހިންގި ހުރާވީ ބިލްޑިންގ ހުރި ބިިމުގައި ސައިކަލު ޕާކް ކުރުމަށް ބޮޑު ޕާކިން ޒޯނެއް ހަދައިފިއެވެ.

މާލެ ސިޓީގެ މޭޔަރ ޑރ. މުހައްމަދު މުއިއްޒު ވިދާޅުވީ ހުރަވީ ބިލްޑިން ހުރި ބިމުގައި 226 ސައިކަލް ޕާކްކުރެވޭނެ ޒޯނެއް ހަދާފައިވާކަމަށެވެ. އަދި އެތަނުގައި ޕާކިން ޒޯން ކުރެހުމުގެ މަސައްކަތް މިހާރު ކުރަމުންދާކަމަށްވެސް މުއިއްޒު ވިދާޅުވިއެވެ.

ސަރުކާރުގެ ގިނަ އޮފީސްތައް ހިންގަމުންދިޔަ ހުރަވީ ބިލްޑިން ތަޅާލުމުގެ މަސައްކަތް ވަނީ މިދިޔަ މެއި މަހުގެ ތެރޭގައި ފަށައިފައެވެ. 35 އަހަރަށްވުރެ ގިނަ ދުވަސްވެފައިވާ ހުރަމީ ބިލްޑިންގ ތަޅާލީ އެ ތަން ބާވެ، އެތަނަކީ ރައްކާތެރި ތަނެއް ނޫންކަމަށް ކަނޑައަޅާފައި ވަނިކޮށެވެ. 

ހުރަވީ ބިލްޑިންގްގައި ހިންގާ އޮފީސްތައް ހުސްކޮށް، އެ އިމާރާތް ތަޅައިލަން 2010 ވަނަ އަހަރުގެ ތެރޭގައި ކުރީގެ ރައީސް މުހައްމަދު ނަޝީދުގެ ސަރުކާރުން ނިންމި އެވެ. އޭރު ވެސް އެކަން ނުކުރެވުނީ ހުރަވީ ބިލްޑިންގްގައި ހިންގަމުން އައި އޮފީސްތައް ބަދަލުކުރާނެ އެހެން އިމާރާތެއް ހަމަނުޖެހިގެންނެވެ.