ބަލިމީހުންގެ ރައްކާތެރިކަމާއި ގުޅޭގޮތުން ޤައުމީ ފެންވަރުގައި ބޭއްވުނު ފުރަތަމަ މަހާސިންތާ ބާއްވައިފިއެވެ.

ގިނަ އަދަދެއްގެ ބައިވެރިންނާއެކު އޮކްޓޯބަރު 23-27 އަށް ބޭއްވި މިމަހާސިންތާގެ މިއަހަރުގެ ބަލިމީހުންގެ ރައްކާތެރިކަމާބެހޭ ދުވަހުގެ ޝިއާރަކީ "ގެއްލުމާއި ނުލާ ބޭސްފަރުވާ" މިއެވެ. އަދި މި މަހާސިންތާގެ ޝިއާރަކީ "ބަލިމީހުންނަށް ރައްކާތެރިކަން ފޯރުކޮށް ދިނުން ފެށެނީ އަހަރެންނާއި ހަމައިން" މިއެވެ.

ޑަބްލިޔު.އެޗް.އޯއާއި ގުޅިގެން 23 އޮކްޓޯބަރ 2022 ގައި ފެށުނު މި ޤައމީ މަހާސިންތާގައި އެކި ދާއިރާތަކުގައި މަސައްކަތް ކުރައްވާ ޞިއްޙީ ޚިދްމަތްތެރިން ބައިވެރިވެފައިވެއެވެ. ޑޮކްޓަރުންނާއި، ނަރުހުންނާއި، ލެބޯޓްރީ ޓެކްނީޝަނުންނާއި، ކޮމިއުނިޓީ ހެލްތު ވޯކަރުންނާއި އަދި ޞީއްޙީ ދާއިރާގެ އެކިއެކި ފަންނީ ލެކްޗަރާއިން ވަނީ މިމަހާސިންތާގައި ބައިވެރިވެފައެވެ. މި މަހާސިންތާގައި މައުލޫމާތު ދެއްވާފައިވަނީ ރާއްޖެއިން 12 ކަމާގުޅޭ މާހިރުންނާއި ރާއްޖެއިން ބޭރުން 21 ފަރާތުންނެވެ.

Advertisement

މަހާސިންތާގެ ޖަލްސާތަކަށް މާލެ ހިމެނޭ ގޮތަށް ކޮންމެ އަތޮޅަކުން 2 ފަރާތުން ބައިވެރިވެފައިވާޢިރު، މާލެ ސަރަހައްދުގައި ހިމެނޭ ހޮސްޕިޓަލްތަކުން 3-7 އަދަދަށް ޞިއްޙީ ޚިދްމަތްތެރިން ބައިވެރިވެފައިވެއެވެ. ވާޗުއަލްކޮށް މިމަހާސިންތާގައި ބައިވެރިވެފައިވަނީ ޞިއްޙީ ޚިދްމަތްދޭ މަރުކަޒުތަކުގައި މަސައްކަތް ކުރައްވާ ޞިއްޙީ ޚިދްމަތްތެރިންނެވެ.

މިމަހާސިންތާގައި ބަލިމީހުންގެ ރައްކާތެރިކަމާއި، ރައްކާތެރި ގޮތުގައި ބޭސް ދިނުމާއި، ގެއްލުމާއި ނުލާ ބޭސް ދިނުމާއި، އިންފެކްޝަނުން ރައްކާތެރިވުމާއި އަދި ކޮންޓްރޯލް ކުރުމާއި، ޞިއްޙީ ޚިދްމަތްދޭ ތަންތަނުން ޖެހޭ އިންފެކްޝަން މޮނިޓަރ ކުރުމާއި، ޞިއްޙީ ޚިދްމަތްދޭ ތަންތަނުގައި އުފެދޭ ކުނި މެނޭޖްކުރުމާއި، ޞިއްޙީ ޚިދްމަތްދޭ އާލާތްތައް ރައްކާތެރިކުރުމާއި، ބަލިމީހާގެ ރައްކާތެރިކަން ކަށަވަރު ކުރުމުގައި ފަރމަސިސްޓުންގެ މުހިންމުކަމާއި ބޭނުންތެރިކަން، ސަރގަރީތަކުގެ ރައްކާތެރިކަމަށް ބޭނުންކުރާ ސަރޖިކަލް ޗެކްލިސްޓަށް އަހުލުވެރިކުރުމާއި، ޞިއްޙީ ދާއިރާގެ އެކިއެކި ކޯސްތަކުގެ ކަރިކިއުލަމްގއި އިންފެކްޝަނުން ރައްކާތެރިވުމާއި އަދި ކޮންޓްރޯކް ކުރުމާއި ބެހޭ ކަންކަން ހިމެނުމުގެ މުހިއްމު ކަމާއި، ބަލިމީހުންގެ ރައްކާތެރިކަމާއި ގުޅޭ ހާދިސާތައް ރިޕޯރޓް ކުރުމާއި އަދި އެފަދަ ހާދިސާތަކުން ދަސްކުރާނެ ނިޒާމްތަކާއި އަދި "ޕޮއިންޓް އޮފް ކެއަރ" ކޮލިޓީ ހިފެހެއްޓުމާއި ގުޅޭގޮތުން ނެގިފައިވާ ފިޔަވަޅުތަކުން ޓްރެއިނިންގ ދިނުމާއި ގުޅޭގޮތުން މި މަހާސިންތާގައި މަޝްވަރާ ކުރެވިފައިވެއެވެ.