ފިލިޕީންސަށް އެރި ބާރުގަދަ ތޫފާނެއްގައި ދެކުނު ޕްރޮވިންސްތަކުގައި ފެންބޮޑުވެ ބިންގަނޑު ކަނޑައިގެން ގޮސް 45 މީހުން މަރުވެއްޖެ އެވެ.

"ނަލްގޭގެ" ނަމުން ނަމްދެވިފައިވާ އެ ތޫފާނުގެ އަސަރު އެންމެ ބޮޑަށް ކުރީ މަގުއިންޑަނާއޯ ޕްރޮވިންސަށެވެ. ރިޕޯޓުތައް ބުނާގޮތުން މި ތުފާނުގައި ގަޑިއަކު 95 ކިލޯމީޓަރު ބާރުމިނުގައި ވައި ޖެހޭނެ ކަމަށް ރިޕޯޓްކޮށްފައި ވެއެވެ.

މީޑިއާ ރިޕޯޓުތައް ބުނާ ގޮތުން ތޫފާނުގެ އަސަރު ބޮޑަށް ކޮށްފައިވަނީ އެ ގައުމުގެ ދެކުނުގެ ސަރަހައްދެއްކަމުގައިވާ މަގުއިންޑަނާއޯ ސަރަހައްދަށެވެ. އެ ސަރަހައްދުންވެސް 40 މީހަކު މަރުވެފައިވާކަމަށް ރިޕޯޓުތައް ބުނެއެވެ.

މި ތޫފާނުގައި ގަދަ ވަޔާއެކު ބޯކޮށް ވާރޭވެހެމުން އަންނައިރު ކޯރުތައް ބަންޑުންވުމާއި ބިންގަނޑު ކަނޑައިގެން ދިއުމުގެ ހާދިސާތައް އަންނަނީ ހިނގަމުންނެވެ. އެގޮތުން ފިލިޕީންސްގެ ބޮޑު ސަރަހައްދަކުން މިހާރު ވަނީ ފެރީގެ ޚިދުމަތްވެސް މެދުކަނޑާލާފައެވެ. 

އަދި މިހަފްތާގައި ތޫފާނުގެ ބާރު އިތުރަށް ގަދަވާނެ ކަމަށް ބެލެވޭތީ ބަސް ދަތުރުތައް މެދުކަނޑާލައި ސްކޫލްތައްވެސް ވަނީ ބަންދުކޮށްފައެވެ.