ނުކުޅެދުންތެރިކަން ހުންނަ ފަރާތްތަކަށް އަމާޒުކޮށް، މޯލްޑިވްސް އެސޯސިއޭޝަން ފޯ ޕާސަންސް ވިތު ފިޒިކަލް ޑިސްއެބިލިޓީ (އެމްއޭޕީޑީ) އިން ހިންގި ހެލްތު ކޭމްޕު ނިންމާލައިފި އެވެ.

ފަރުކޮޅުގައި، ކުރިއަށް ގެންދިޔަ މި ކޭމްޕަކީ ސްޕެޝަލިސްޓުންނަށް ހިލޭ ކޮންސަލްޓެންސީ ހެއްދޭ ގޮތަށް ޚާއްސައެހީއަށް ބޭނުންވާ ފަރާތްތަކަށް ހިންގުނު ކޭމްޕެކެވެ. މި ކޭމްޕް ހިންގާފައިވަނީ މި ނިމުނު ހަފްތާ ބަންދުގައެވެ. 

މިފަހަރުގެ ކޭމްޕުގައި މަލިކަށް ނިސްބަތްވާ ދަތުރުގެ ހާއްސަ ޑޮކްޓަރު ޑރ. އިސްމާއިލް އާއި އިންޑިއާގެ ޕްރޯއީރީހަބް އަދި ޖޯޝް ކްލިނިކްގެ ސްޕެޝަލިސްޓުންގެ ޓީމަކާއި ދިވެހި ޑޮކްޓަރެއް ކަމަށްވާ ޑރ. ފާތިމަތު ޝިފާ ވަނީ ހަރަކާތްތެރިވެފަ އެވެ.

Advertisement

މި ހަރަކާތުގެ މެއިން ސްޕޮންސަރގެ ގޮތުގައި ހަމަޖައްސާފައިވަނީ ބޭންކް އޮފް މޯލްޑިވްސް އެވެ. މި ހަރަކާތް ކުރިއަށް ގެންދިޔައީ ހައުސިންގ ޑެވެލޮޕްމަންޓް ކޯޕަރޭޝަން އާއި މޯލްޑިވްސް އޯޓިޒަމް އެސޯސިއޭޝަން، ޖޯޝް ކްލިނިކް، ޕްރޯއީރީހަބް، ވާރސޯ މިޑިކަލް ސެންޓަރގެ އެހީތެރިކަމާއެކުގަ އެވެ.