އިސްލާމިކް މިނިސްޓްރީގެ ދައުވަތަކަށް މިހާރު ރާއްޖެ ވަޑައިގެން އުޅުއްވާ މަޝްހޫރު ދީނީ އިލްމުވެރިޔާ މުފްތީ މެންކްގެ ދަރުސް މިރޭ އައްޑޫ ސިޓީގައި ބާއްވަން ތައްޔާރުވެއްޖެ އެވެ.

މުފްތީ މެންކް ރާއްޖެއަށް ވަޑައިގެން އެންމެ ފުރަތަމަ ދަރުސްް ދެއްވީ މާލެ ސިޓީގައެވެ. އޭގެ ފަހުގައި ރޭ ފުވައްމުލަކުގައި ދަރުސް ދެއްވުމަށްްފަހު މިރޭ އައްޑޫ ސިޓީގައި ދަރުސް ދެއްވުމަށް މިއަދު ހެނދުނު އެސިޓީއަށްް ވަނީ ވަޑައިގެންފައެވެ.

އައްޑޫ ސިޓީގައި މުފްތީ ދެއްވުމަށް ހަމަޖެހިފައިވާ ދަރުސް އޮންނާނީ މިރޭ 20:45 ގައި އައްޑޫ ހައި ސްކޫލްގައި ކަމަށް އިސްލާމިކް މިނިސްޓްރީން ވިދާޅުވެއެވެ.

Advertisement

އައްޑޫ ސިޓީގައި މިރޭ ބާއްވާ ދަރުހަށްފަހު އޭނާ މާދަމާ ހުޅުމާލޭަގައި ދަރުސް ދެއްވުމަށް ވަނީ ހަމަޖެހިފައެވެ.