މަސްތުވާތަކެތީގެ ވިޔަފާރިކުރާ އިސް މީހެއް ކަމަށް ފުލުހުން ބުނާ ގދ. ހޯޑެއްދޫ، އަލޯރާ، އަރުޝަދު ޚާލިދު ހައިކޯޓަށް ހާޒިރުކުރަން ނެރުނު އަމުރަކީ ޖިނާއީ އިޖުރާއަތުގެ ގާނޫނާއި އެއްގޮތައް ނެރެފައި އޮތް އަމުރެއް ނޫން ކަމަށް ސުޕްރީމް ކޯޓުން ނިންމައިފިއެވެ.
މި މައްސަލައިގައި ފުލުހުން ވަނީ މިދިޔަ އަންގާރަ ދުވަހު ކޯޓު އަމުރެއްގެ ދަށުން އަރުޝަދު ހައްޔަރުކޮށްފައެވެ. އެހެން ނަމަވެސް ޖެހިގެން އައި ދުވަހު އޭނާ ވަނީ ދޫކޮށްލާފައެވެ.
ސުޕްރީމް ކޯޓުގައި މިއަދު ބޭއްވި އިސްތިއުނާފީ މަޖިލީހުގައި ސުޕްރީމް ކޯޓުން ހުކުމް ކުރީ ހައިކޯޓަށް ހާޒިރުކުރަން ނެރުނު އަމުރަކީ ޖިނާއީ އިޖުރާއަތުގެ ގާނޫނާއި އެއްގޮތައް ނެރެފައި އޮތް އަމުރެއް ނޫން ކަމަށެވެ. އަދި ކޯޓަށް ހާޒިރު ކުރަންޖެހޭ ވަގުތާއި ގަޑިވެސް އަމުގައި ބަޔާންކުރަން ޖެހޭ ކަމަށް ސުޕްރީމް ކޯޓުން ބުނެއެވެ.
އެހެން ނަމަވެސް މިއިން އެއްވެސް ކަމެއް ނެތްކަމަށް މިމައްސަލަ ސްޕްރީމް ކޯޓުން ބެއްލެވި ތިން ފަނޑިޔާރުންގެ އިއްތިފާގުން ނިންމި ހުކުމުގައި ބުނެފައިވެއެވެ.
ސުޕްރީމް ކޯޓުން ނެރުނު ހުކުމުގައި ބުނެފައިވަނީ ކޯޓަށް މީހަކު ހާޒިރު ކުރުމަށް ހައްޔަރު ކުރުމުގެ އަމުރެއް ނެރެން ޖެހޭނީ އެމީހަކު އަމުރާއި ހަވާލުވުމަށްފަހު ކޯޓަށް ހާޒިރުނުވެއްޖެ ކަމަށާއި، ނުވަތަ އަމުރު ހަވާލު ކުރަން މަސައްކަތްކޮށް އަމުރާއި ހަވާލުނުވެއްޖެ ކަމަށް ޤާނޫނުން އެނގެން އެބަ އޮތްކަމަށެވެ.
Advertisement
This content is created and paid for by advertisers and does not involve Voice Journalists
