ބ އަތޮޅު ރިސޯޓެއްގައި މަސައްކަތްކުރާ އަންހެނަކު ބަގީ އާއެކު މޫދަށް ވެއްޓިގެން އޭޑީކޭގައި ފަރުވާދޭން ފަށައިފިއެވެ.

ފުލުހުން މިއަދު ބުނީ ބ އަތޮޅު ރިސޯޓެއްގައި މަސައްކަތްކުރާ މުވައްޒަފަކު އެ ރިސޯޓްގެ ޖެޓީ މަތިން ބަގީ ދުއްވުމުގެ ތެރޭގައި ބަގީއާއެކު މޫދަށް ވެއްޓިފައިވާ ކަމަށް އޮކްޓޯބަރ މަހުގެ 30 ވަނަ ދުވަހު 23:10 އެހާކަންހާއިރު ފުލުހުންނަށް ރިޕޯޓްކޮށްފައިވާ ކަމަށެވެ.

މިހާދިސާގައި އަނިޔާ ލިބުނު މީހާއަށް އޭޑީކޭ ހޮސްޕިޓަލުގައި ފަރުވާދެމުންދާ ކަމަށްވެސް ފުލުހުން ބުނެފައިވެއެވެ. 

Advertisement

މީގެ އިތުރުން ފުލުހުން ބުނީ، ބަގީ އާއި އެކު މޫދަށް ވެއްޓިގެން އަނިޔާވެފައިވަނީ 26 އަހަރުގެ މޮރޮކޯ އަންހެނަކަށް ކަމަށާ، މި ހާދިސާ އާއި ގުޅިގެން ބަލަންޖެހޭ ކަންކަން ބަލަމުން އަންނަ ކަމަށެވެ.