500 މިލިއަން ޑޮލަރަށް ފޯޅަވަހި ވިއްކާލި މައްސަލަ ފަޅާއެރުމުން ތާރީޚު ބަދަލުކުރުމަށް ސަރުކާރުން މަަސައްކަތް ކޮށްފައިވާކަމަށް ތިމަރަފުށީ ދާއިރާގެ ކުރީގެ މެމްބަރު މުހައްމަދު މުސްތަފާ ވިދާޅުވެއްޖެއެވެ.
މުސްތަފާ މިފަދައިން ވިދާޅުވެފައިވަނީ ފޯޅަވަހި މައްސަލައާއި ގުޅޭގޮތުން ކަންބޮޑުވުން ފާޅުކުރައްވާ ކުރެއްވި ޓްވީޓެއްގައެވެ.
އެ ޓްވީޓުގައި މުސްތަފާ ވިދާޅުވީ 500 މިލިއަން ޑޮލަރަށް ފޯޅަވަހި ވިއްކާލިކަން ފަޅާއެރުމުން އެތަނަކީ ދިވެހިރާއްޖެއާއި އެއްވެސް ގުޅުމެއް އޮތް ތަނެއް ނޫންކަމަށް ހަދާ ތާރީހު އޮޅުވާލުމަށް ތާރީހު ދިރާސާ ކުރާ ފަރާތްތަކަށް ސަރުކާރުން އާދޭސްކޮށްފައިވާކަމަށެވެ. އަދި ފޯޅަވައްސާއި ގުޅުންހުރި ތާރީހުތައް ބަދަލުކުރުމަށް ސަރުކާރުން މަސައްކަތް ކޮށްފައިވާކަމަށެވެ.
"ފޯޅަވަހި ވިއްކާލި 500 މިލިއަން ޑޮލަރުގެ ގައުމަށް ގައްދާރުވި މައްސަލަ ފަޅާއެރުމުން ފޯޅަ ވައްސަކީ ދިވެހިންނާ އެއްވެސް ގުޅުމެއް ނެތްތަނެއްކަމަށް ދޭހަވާ ގޮތަށް ލިޔެ އޮޅުވާލުމަށް ތާރީ ދިރާސާ ކުރާ ކުރާ ފަރާތްތަކަށް ސަރުކާރުން ގުޅާ އާދޭސްކުރި"
ތިމަރަފުށީ ދާއިރާގެ ކުރީގެ މެމްބަރު މުސްތަފާ
ފޯޅަވަހި މައްސަލަ މިފަހުން ފެންމަތިވެފައިވަނީ ދިވެހިރާއްޖޭގެ ސަރަހައްދުން ބައެއް ގެއްލޭގޮތަށް ފޯޅަވަހީގެ ސިޔާދަތު އޮންނަންވާނީ މޮރިޝަސްއަތުގައި ކަމަށް ގަބޫލުކުރާކަން ފާހަގަކޮށް ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު މޮރިޝަސްގެ ބޮޑު ވަޒީރަށް ސިޓީފުޅެއް ފޮނުވާ އެ މައްސަލައިގައި ރާއްޖޭގެ ސްޓޭންޑް ބަދަލުކުރުމާއި ގުޅިގެންނެވެ.
ސަރުކާރުން ސްޓޭންޑް ބަދަލުކުރީ ސީދާ ކޮން ސަބަބަކާއި ހުރެކަމަެއް މިހާތަނަށް ސާފުކޮށްދީފައެއް ނުވެއެވެ.
އެހެން ނަމަވެސް އެފަދަ ނިންމުމަކާއި ހަމަޔަށް ދިޔައިރު ރައްޔިތުންގެ މަޖިލީހާއި ނުވަތަ ސަރުކާރު ކޯލިޝަންގައި ހިމެނިވަޑައިގަންނަވާ ސިޔާސީ ޕާޓީތަކުގެ ލީޑަރުންނާއި އެއްވެސް ވަރަކަށް މަޝްވަރާ ކޮށްފައި ނުވާކަން ފާހަގަކޮށް ސަރުކާރަށް ބޮޑެތި ފާޑުކިޔުންތަކެއް ވަނީ އަމާޒުވެގެން ގޮސްފައެވެ.
Advertisement
This content is created and paid for by advertisers and does not involve Voice Journalists
