ފޮރިން މިނިސްޓަރު ޝާހިދު ސާބިއާއަށް ވަޑައިގަންނަވައިފިއެވެ.
މިނިސްޓަރު ޝާހިދު ސާބިއާއަށް ވަޑައިގެންފައިވަނީ މިއަދުގެ ވަގުތެއްގައެވެ. މިނިސްޓަރުގެ އެ ދަތުރުފުޅަކީ އޮކްޓޫބަރު 29 ގައި އިނގިރޭސިވިލާތަށް ފެއްޓެވި ދަތުރުފުޅަށްފަހު ކުރައްވާ ދަތުރުފުޅެކެވެ. މިނިސްޓަރު ޝާހިދު އިނގިރޭސި ވިލާތަށް ކުރެއްވި ދަތުރުފުޅު ނިންމަވާލެއްވީ މިއަދުއެވެ.
ސާބިއާގެ ދަތުރާއި ގުޅޭގޮތުން މިނިސްޓަރު ޝާހިދު ކުރެއްވި ޓްވީޓެއްގައި ވިދާޅުވީ ސާބިއާގެ ބެލްގްރޭޑަށް ވަޑައިގެންނެވީ ބޮޑުވަޒީރުގެ ފުރަތަމަ ނައިބު އަދި ޚާރިޖީ ވަޒީރު އިވިކާ ޑެސިޗްގެ ދައުވަތަކަށް ކަަމަށެވެ.
މި ދަތުރުފުޅުގައި ދެ ގައުމުގެ ގުޅުން އިތުރަށް ބަދަހިކޮށް، ދެ ގައުމުގެ ގުޅުން އިތުރަށް ބަދަހިކުރުމަށް ބިނާކުރަނިވި މަޝްވަރާތަކެއް ކުރެއްވުމަށް އުންމީދުކުރައްވާ މިނިސްޓަރު ވިދާޅުވިއެވެ.
ފޮރިން މިނިސްޓަރު ޝާހިދު ފާހަގަކުރެވެނީ ވަރަށް ގިނައިން ރާއްޖެއިން ބޭރަށް ދަތުރުފުޅުތައް ކުރައްވާ ބޭފުޅެއްގެ ގޮތުގައެވެ. އދ ގެ އާންމު މަޖިލީހުގެ ރިޔާސަތު ބެލެހެއްޓެވި ދުވަސްވަރުވެސް ޝާހިދު ވަނީ ދުނިޔޭގެ އެކި ގައުމުތަކަށް ޒިޔާރަތްކޮށްފައެވެ.
Advertisement
This content is created and paid for by advertisers and does not involve Voice Journalists
