މިއަދު ވެސް ރާއްޖޭގެ ބޮޑު ބަޔަކަށް އުދަ އަރާނެކަމަށް ލަފާކޮށް މޫސުމާބެހޭ ޤައުމީ އިދާރާ، މެޓް އޮފީހުން ހުދު ސަމާލު ނެރެފިއެވެ.
މެޓް އޮފީހުން އުދަ އަރާނެކަމަށް ލަފާކޮށް ހުދު ސަމާލު ނެރެފައިވަނީ މާލެ އަތޮޅުން ފެށިގެން އައްޑޫ ސިޓީއާ ހަމައަށެވެ. އެ ސަރަހައްދަށް ހުދު ސަމާލު ނެރެފައިވަނީ ރޭ 11:30އިން ފެށިގެން މިއަދު މެންދުރު ފަހު 2:30އާ ހަމައަށެވެ.
މިއަދު އުދަ އަރާނެ ކަމަށް މެޓް އޮފީހުން ލަފާކޮށްފައިވާއިރު މިދިޔަ ހޮނިހިރު ދުވަހުން ފެށިގެން މާލެ އާއި ރާއްޖޭގެ އެކި ސަރަޙައްދުތަކަށް އަންނަނީ އުދަ އަރަމުންނެވެ. އެގޮތުން މާލޭ އަލިމަސް ކާނިވާ ސަރަޙައްދަށް އުދައިގެ އަސަރުވަނީ ވަރަށް ބޮޑަށް ކޮށްފައެވެ.
ޖުމުލަ ގޮތެއްގައި މިއަދުގެ މޫސުމަށް ބަލާލާއިރު މެދު ރާއްޖެތެރެއާއި ދެކުނު ބައެއް ރަށްތަކަށް ވިއްސާރަ ކުރުމާއެކު ގުގުރުން އެކަށީގެންވާ ކަމަށާ، އަދި އުތުރުގެ އަތޮޅުތަކަށް ކެރީގެ އަސަރު ފޯރާނެ ކަމަށް މެޓް އޮފީހުން ލަފާ ކުރެއެވެ. އަދި ރާއްޖޭގެ ކަނޑުތައް އާދައިގެ ވަރަކަށް މަޑުވާނެ ކަމަށާ، ވިލާގަނޑުގައި މެދުރާއްޖެ ތެރެއާއި ދެކުނުގެ ކަނޑުތައް އާދައިގެ ވަރަކަށް ގަދަ ވާނެ ކަމަށްވެސް ލަފާކޮށްފައިވެއެވެ.
Advertisement
This content is created and paid for by advertisers and does not involve Voice Journalists
