އަލިފާނުގެ ހާދިސާގައި ޖުމްލަ 5 މީހުން ނިޔާވެފައިވާަކަމަށާއި, އެކަކު އައިޖިއެމް ހޮސްޕިޓަލުގައި ފަރުވާ ދެމުންދާކަމަށް ދިވެހި ފުލުހުންގެ ހިދުމަތުން މައުލޫމާތު ދީފިއެވެ.
ހޮސްޕިޓަލުގައި ފަރުވާ ދެމުންދާމީހާގެ ހާލު ކްރިޓިކަލް ކަމަށް ފުލުހުން މައުލޫމާތު ދެއެވެ.
އަލިފާނުގެ ހާދިސާ ހިނގި އިމާރާތުން ބޮޑީބޭގެއް ނެރެނީ -- ސަން ފޮޓޯ
އަލިފާނު ރޯވި މ. ސެންރޯސްގެ
އަލިފާނުގެ ހާދިސާގައި މަރުވެފައިވާ މީހުންގެ ހަށިގަނޑު މިވަގުތު ގަލޮޅު ސަހަރާއަަށްވަނީ ގެނެވިފައެވެ. މިހާތަނަށް 4 މީހުން ގަލޮޅު މޯޗަރީއަށް ގެނެވިފައިވެއެވެ.
ގަލޮޅު ސަހަރާ---ފޮޓޯ: ވޮއިސް
އައިޖީއެމްއެޗްގައި އެކަކަށް ފަރުވާދެމުން ދާއިރު, މިހާދިސާގައި މަރުވިމީހުންގެ ސީދާ އަދަދެއް ކަމާ ބެހޭ އެއްވެސް އިދާރާއަކުން ހާމަކޮށްފައެއްނުވެއެވެ.
ރޯވެފައިވާ އަލިފާން އެއްކޮށް ނިއްވާލެވިފައި ވަނީ ފަތިހު 04:34 ހާއިރު
އިސްކަންދަރު މަގުގައި ހުންނަ މ.ނިރުފެހި ކިޔާ ގޭގައި ރޯވި އަލިފާނުގެ 90 ޕަސެންޓް ވަނީ ކޮންޓްރޯލް ކުރެވިފައި.
އެމްއެންޑީއެފް
އިސްކަންދަރު މަގުގައި ހުންނަ މ. ސެންޑްރޯސް ގޭގައި ރޯވި އަލިފާން ގަނޑު ނިއްވާލައިފިއެވެ.
އެމްއެންޑީއެފް އިން ބުނީ މާވެޔޮ މަގުގައި ހުރި ގެއެއްގައި އަލިފާނުގެ ހަދިސާއެއް ހިނގައިގެން ފަޔާ އެންޑް ރެސްކިއު ސާވިސް އިން ހަރަކާތްތެރިވާން ފަށާފައިވާ ކަމަށެވެ. އެ ހާދިސާގެ މައުލޫމާތު ލިބިފައި ވަނީ މިރޭ 00:30 ހާއިރު ކަމަށް ވެސް އެމްއެންޑީއެފް އިން މައުލޫމާތުދެއެވެ.
އެ ސަރަހައްދުން "ވޮއިސް" ގެ ރިޕޯޓަރާއި ވާހަކަ ދެއްކި މީހަކު ބުނެފައިވަނީ މި އިމާރާތުގައި ގިނަ އަދަދެއްގެ ބިދޭސީން ދިރިއުޅެމުންދާކަމަށާއި, އިމާރާތުގެ ތިރީގައި ގަރާޖަކާއި, އެސީ މަރާމާތުުކުރާތަނެއް ހުންނަކަމަށެވެ.
މިހާރު އަލިފާން ގަނޑު ކޮންޓްރޯލް ކުރެވިފައިވާއިރު, އެ އިމާރާތުގައި ދިރިއުޅޭ ފަރާތްތައް ވަނީ އެކުވެނި ދަނޑަށް ޖަމާކުރެވިފައެވެ.
އަލިފާނާއި ގުޅިގެން ދުމުގެ އަސަރު އެ ހިސާބުގެ ގެތަކަށް ކޮށްފައިވާއިރު, ސިނަމާލެގެ ބްރިޖާއި ހަމަޔަށް ދުމުގެ އަސަރުކޮށްފައިވެއެވެ.
މިރޭގެ އަލިފާން ހާދިސާ ހިނގަން މެދުވެރިވި ސަބަބު އަދި ދެނެގަނެވިފައިނުވާއިރު, ލިބުނު ގެއްލުންތައް ވެސް އަދި ސާފެއް ނުވެ އެވެ.
Advertisement
This content is created and paid for by advertisers and does not involve Voice Journalists
