އިސްކަންދަރުމަގުގައި ހުންނަ މ. ނިރުފެހީގެ ތިރީ ގަރާޖުގައި އަލިފާން ރޯވެ ހިނގި އަލިފާނުގެ ހާދިސާގައި މަރުވި މީހުންގެ އަދަދު 10 އަށް އަރާފައިވާ ކަމަށް ފުލުހުން ބުނެފިއެވެ.
މިހާދިސާ އާއި ގުޅިގެން އެމްއެންޑީއެފުން އެންމެ ފަހުން ދިން މައުލޫމާތުގައި ބުނީ، އަލިފާނުގެ ހާދިސާ ހިނގި ތަނުން އިތުރު މީހެއްގެ ހަށިގަނޑު ފެނިފައިވާ ކަމަށާ، ވުމާއެކު މި ހާދިސާ ގައި މަރުވި މީހުންގެ އަދަދު މިހާރު 10 އަށް އަރާފައިވާ ކަމަށެވެ.
ހާދިސާ ހިނގި ސަރަހައްދުގައި ފުލުހުންނާއި ސިފައިން އަދިވެސް އަންނަނީ ހަރަކާތްތެރިވަމުންނެވެ.
މާލެގައި ހިނގި ނުރައްކާތެރި އަލިފާނުގެ ހާދިސާގައި ފިހިގެން މިހާތަނަށް 9 މީހުން ނިޔާވެފައިވަކަމަށް އެމްއެންޑީއެފްއިން ކަށަވަރު ކޮށްދީފި އެވެ.
އިސްކަންދަރުމަގުގައި ހުންނަ މ. ނިރުފެހީގެ ތިރީ ގަރާޖުގައި އަލިފާން ރޯވީ 12:30 އެހާކަންހާއިރު އެވެ.
އަލިފާންގަނޑު އެއްކޮށް ނިއްވާލެވުނީ ފަތިހު 4:34 ގައިކަމަށް އެމްއެންޑީއެފްއިން މައުލޫމާތު ދީފައިވެއެވެ.
އެމްއެންޑީއެފްއިން މައުލޫމާތު ދިންގޮތުގައި މި ހާދިސާގައި ޖުމްލަ 9 މީހުން ނިޔާވެފައިވާއިރު, އެކަކަށް އައިޖިއެމް ހޮސްޕިޓަލުން ފަރުވާދެމުންދާކަމަށެވެ. އަދި އޭނާގެ ހާލުވެސް ކްރިޓިކަލް ކަމަށް މައުލޫމާތު ދެއެވެ.
"ރޯވެފައިވާ ގޭ ތެރެއިން މަރުވެފައިވާ 4 މީހެއްގެ ހަށިގަނޑު މޯޗަރީއަށް ގެންދެވިފައިވޭ"
ފުލުހުން މީޑީއާއަށް ދިން މެސެޖުގައިވެއެވެ.
މި ހާދިސާގައި 14 މީހުން ސަލާމަތްކޮށްފައިވާަމަށްވެސް ފުލުހުން މައުލޫމާތު ދީފައިވެއެވެ.
މިހާދިސާގައި ނިޔާވެފައިވަނީ ބިދޭސީންނެވެ. އޭގެ ތެރޭގައި ގިނައީ އިންޑިއާ ރައްޔިތުންނެވެ.
މިއީ ރާއްޖޭގައި މިހާތަނަށް ހިނގި އަލިފާނުގެ އެންމެ ހިތާމަވެރި ހަދިސައެވެ.
Advertisement
This content is created and paid for by advertisers and does not involve Voice Journalists
