ދައުލަތުން ބަނގްލަދޭޝް ރައްޔިތެއްކަމުގައިވާ އެމްޑީ އަލަމްގިރްގެ މައްޗަށް ދަޢުވާކުރާ އެއްޖިންސުން ޖިންސީ ގުޅުން ހިންގުމުގެ ކުށުގެ އިތުރު ދަޢުވާތަކެއް ސާބިތުވެ އޭނާ 9 މަސް ދުވަހަށް ޖަލަށް ލުމަށް ކްރިމިނަލް ކޯޓުން ހުކުމް ކޮށްފިއެވެ.  

ކްރިމިނަލް ކޯޓުން ބުނީ، ދައުލަތުން އަލަމްގިރްގެ މައްޗަށް ދަޢުވާކުރާ އެއްޖިންސުން ޖިންސީ ގުޅުން ހިންގުމުގެ ކުށުގެ ދަޢުވާއަށް އިބްތިދާއީ މަރުޙަލާގައާއި، އަވަސްނިޔާގެ ޝަރީޢަތުގައި އޭނާ އިޢުތިރާފްވެފައިވާތީ  ދިވެހިރާއްޖޭގެ ޤާނޫނުލްޢުޤޫބާތު ގެ 411 ވަނަ މާއްދާގެ (ހ) ގެ (2) ވަނަ ނަންބަރާ ޙަވާލާދީ، އެ މާއްދާގެ (ށ) ގެ (2) ވަނަ ނަންބަރުގެ ދަށުން އެއްޖިންސުން ޖިންސީ ގުޅުން ހިންގުމުގެ ކުށުން އޭނާ ކުށްވެރިވެއްޖެކަމަށް ކަނޑައަޅާފައިވާކަމަށެވެ. 

އެގޮތުން އަލަމްގިރް ޖުމުލަ 6 ދައުވާއެއް ސާބިތުވާ ކަމަށް ދައުލަތުން ކަނޑައަޅާފައިވާއިރު، އެ ހުރިހާ ދައުވާއަކަށް އޭނާ އަށް ކޮށްފައިވާ ހުކުމަށް ބަލާއިރު ޖުމުލަ 9 މަސް ދުވަހުގެ ޖަލު ހުކުމެއް އާދެއެވެ. 

Advertisement

ގިނަ އަދަދެއްގެ ދިވެހިންނާއެކު އެއް ޖިންސުން ގުޅުން ހިންގައި އެ މަންޒަރު ވީޑިއޯ ކުރި މައްސަލާގައި މީގެ ކުރިން އަލަމްގީރް ގެ މައްޗަށް ދައުލަތުން ވަނީ އޮރިޔާން ކާޑު ހެދުމުގެ ކުށުގެ 40 އެއްވެސް ކޮށްފައެވެ. އަދި އެކަން އޭނާގެ މައްޗަށް ސާބިތުވާ ކަމަށް ނިންމައި، ދެ އަހަރާއި ނުވަމަސް ދުވަހަށް އޭނާ ޖަލަށް ލުމަށް ކްރިމިނަލް ކޯޓުން ހުކުމް ކުރީ ސެޕްޓެމްބަރު މަހުގެ 29 ވަނަ ދުވަހު އެވެ. 

މީގެ އިތުރުން ވެސް އެއްޖިންސުން ޖިންސީ ގުޅުން ހިންގުމުގެ ދައުވާއެއް އަލަމްގިރްގެ މައްޗަށް މީގެ ކުރިންވެސް ސާބިތުވެފައި ވާއިރު، އެފަދަ އޭނާއަށް އައީ 7 މަސްދުވަހުގެ ޖަލު ހުކުމެކެވެ.