ސްޓެލްކޯގެ މެނޭޖިން ޑިރެކްޓަރު އަދި އިލެކްޝަންސް ކޮމިޝަންގެ ކުރީގެ ރައީސް އަހުމަދު ޝަރީފް، ވެރިކަން ކުރާ މައިޕާޓީ އެމްޑީޕިއަށް ސޮއި ކުރައްވައިފިއެވެ.

ޝަރީފް އެމްޑީޕީއަށް ސޮއިކުރެއްވީ މުލިއާގޭގައި ކުރިއަށްދިޔަ ބައްދަލުވުމެއްގެ ތެރެއިންނެވެ. މި ބައްދަލްވުމުގައި އޭނާ އެމްޑީޕީއަށް ސޮއި ކުރި ފޯމު ބާރަށު ދާއިރާގެ މެމްބަރު އަހުމަދު އާއި ހަވާލުކުރައްފައިވާ ކަން އެމްޑީޕީން މިއަދު ކުރި ޓުވީޓެއްގައި ވަނީ ހާމަކޮށްފައެވެ. 

ޝަރީފް ފޯމު ހަވާލު ކުރައްވާފައި ވަނީ ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހާއި, ރައްޔިތުންގެ މަޖިލީހުގެ އެމްޑީޕީގެ ޕާލަމެންޓްރީ ގްރޫޕްގެ ލީޑަރު އަދި ހިތަދޫ އުތުރު ދާއިރާގެ މެމްބަރ މުހައްމަދު އަސްލަމްގެވެސް ހާޒިރުގައެވެ. 

Advertisement

ޝަރީފް ސްޓެލްކޯގެ މެނޭޖިން ޑިރެކްޓަރުގެ މަގާމަށް އައްޔަނު ކުރެއްވިފައިވަނީ މިދިޔަ މާރިޗު މަހުގައެވެ. އަދި މިދިޔަ މޭ މަހު ސަންގު ޓީވީއަށް ދެއްވި އިންޓަވިއުއެއްގައި އޭނާ ވަނީ، ރައީސް އިބްރާހިމް މުހައްމަދު ސޯލިހު އެދިވަޑައިގެންފިނަމަ އެމަނިކުފާނުގެ ޕާޓީ، އެމްޑީޕީއާ ގުޅެން ތައްޔާރަށް ހުންނެވި ކަމަށް ވިދާޅުވެފައެވެ. 

ޝަރީފް އެމްޑީޕީއަށް ސޮއިކުރައްވާފައިވާއިރު، ދާދިފަހުން އެމްޑީޕީގެ ކުރީގެ ޗެއާޕާސަން ރީކޯ މޫސާ މަނިކު ވެސް ވަނީ އެޕާޓީއާއި އަލުން ގުޅިފައެވެ.