ގަތަރުގައި މިއަދު ފަށާ ވޯލްޑް ކަޕްގައި ފްރާންސްގެ ފޯވާޑް ކަރީމް ބެންޒެމާގެ ކަކުލަށް ލިބުނު އަނިޔާއަކާ ގުޅިގެން އޭނާ ވޯލްޑް ކަޕަށް އަލްވަދާއުކިޔަން ޖެހިއްޖެއެވެ.

ރެއާލް މެޑްރިޑާއި، ޗެމްޕިއަންސް ލީގާއި، ލަލީގާ ކާމިޔާބުކޮށްދިން ބެންޒެމާ ވަނީ 2022 ވަނަ އަހަރު ދުނިޔޭގެ ފުޓްބޯޅައިގެ އެންމެ މޮޅު ކުޅުންތެރިޔާއަށް ދިން ބެލޮން ޑިއޯ ކާމިޔާބުކޮށްފައެވެ.

ބެންޒެމާގެ ވާތު ފައިގެ ފަލަމަސްގަނޑަށް އަނިޔާވީ އިއްޔެ އޮތް ޕްރެކްޓިހުގަ އެވެ.

Advertisement

ފްރާންސްގެ ޤައުމީ ޓީމުން ނެރުނު ބަޔާނުގައި، ކަރީމްގެ ހިތާމައިގައި މުޅި ޓީމުން ވެސް ބައިވެރިވާ ކަމަށާއި އޭނާއަށް އަވަސް ޝިފާއަކަށް އެދޭ ކަމަށް ވެސް އެ ބަޔާނުގައި ވެ އެވެ.

ފްރާންސް ފުޓްބޯލް ފެޑެރޭޝަނުން ބުނީ އެމްއާރުއައި ސްކޭނަކުން ކަނދުރާގެ މަސްތަކަށް އަނިޔާވެފައިވާކަން ކަށަވަރުވެފައިވާ ކަމަށާއި އެކަމަށް ތިން ހަފުތާގެ ރިކަވަރީ ޕީރިއަޑެއް ބޭނުންވާނެ ކަމަށެވެ.ފްރާންސް ފުޓްބޯޅަ އެސޯސިއޭޝަނުން ބުނީ އޭނާގެ އަނިޔާ އިން ސަލާމަތްވާން ތިން ހަފުތާ ނަގާނެ ކަމަށެވެ.

ގްރޫޕް ޑީގައި ފްރާންސް ފުރަތަމަ ބައްދަލުކުރަން އޮތީ ނޮވެމްބަރު 22 ގައި އޮސްޓްރޭލިއާއާ ދެކޮޅަށް، ދެވަނަ މެޗުގައި ނޮވެމްބަރު 26 ގައި ޑެންމާކާއި ދެކޮޅަަށް ކުޅޭއިރު، ތިންވަނަ މެޗު ނޮވެމްބަރު 30 ގައި ޓިއުނީޝިއާއާ ދެކޮޅަށެވެ.

ކޯޗު ޑިޑިއޭ ޑެޝޯމްޕްސް އަށް ބަދަލު ކުޅުންތެރިއަކު ގެނައުމަށް ހޯމަ ދުވަހާ ހަމައަށް އޮތް އިރު، ފްރާންސަށް ކުޅުނު 97 މެޗުގައި 37 ލަނޑު ޖަހާފައިވާ އުމުރުން 34 އަހަރުގެ ބެންޒެމާއަށް ލިބުނު އަނިޔާއަކީ ވޯލްޑް ކަޕް ގެ ދެތަށި ކާމިޔާބުކޮށްފައިވާ ފްރާސްއަށް ލިބުނު ވަރަށް ބޮޑު ގެއްލުމެކެވެ.

އަނިޔާގެ ސަބަބުން މިޑްފީލްޑަރު ޕައުލް ޕޮގްބާ އާއި އެންގޯލޯ ކާންޓޭ ނެތް އިރު، މެންޗެސްޓާ ޔުނައިޓެޑްގެ ޑިފެންޑަރު ރަފައެލް ވަރާން ވަނީ ފާއިތުވި ފަސް ކްލަބް މެޗު ގެއްލުމުން ކުޅުމަށް ފިޓްވާން މަސައްކަތް ކުރަމުންނެވެ.