ގަތަރު ވޯލްޑް ކަޕްގެ ފުރަތަމަ ޕްރެކްޓިހުގައި ޕޯޗުގަލްގެ ކްރިސްޓިއާނޯ ރޮނާލްޑޯ ބައިވެރިވެއްޖެއެވެ.

ޕޯޗުގަލް ފުރަތަމަ މެޗުގައި ބައްދަލުކުރަން ހަމަޖެހިފައިވަނީ މިމަހުގެ 26 ވަނަ ދުވަހު ގާނާއާދެކޮޅަށެވެ. ޕޯޗުގަލް ހިމެނެނީ ގާނާ، އުރުގުއޭ އަދި ކޮރެއާ ހިމެނޭ ގްރޫޕް އެޗްގައެވެ. 

މުބާރާތް ބާއްވާ ޤަތަރަށް ޖެއްސިތާ އެއް ދުވަސް ފަހުން ހޮނިހިރު ދުވަހު ރޮނާލްޑޯ ޕޯޗުގަލްއާއެކު ޕްރެކްޓިސް ފެށިއިރު، މިއީ ދޯހާއަށް އައުމަށް ފަހު އެ ޓީމުން ބޭއްވި ފުރަތަމަ ކޮލެކްޓިވް ޓްރެއިނިން ސެޝަނެވެ.

Advertisement

ޕޯޗުގަލް ބުރާސްފަތި ދުވަހު ނުކުންނާނީ ގާނާއާ ދެކޮޅަށެވެ. އަދި ނޮވެމްބަރު މަހުގެ 28 ވަނަ ދުވަހު އުރުގުއޭއާ ދެކޮޅަށް ކުޅޭއިރު  ޑިސެމްބަރު 2 ވަނަ ދުވަހު ދެކުނު ކޮރެއާއާ ދެކޮޅަށް ޕޯޗުގަލް ކުޅޭނެއެވެ. 

ކްރިސްޓިއާނޯ ރޮނާލްޑޯ ފަސްވަނަ ފަހަރަށް ވޯލްޑް ކަޕްގައި ވާދަކުރާއިރު، މިއީ ޕޯޗުގަލްގެ ކެޕްޓަން ރޮނާލްޑޯގެ އެންމެ ފަހު ވޯލްޑް ކަޕަށް ވެދާނެ އެވެ.