މި އަހަރުގެ ގައުމީ ރާޅާއެޅުމުގެ މުބާރާތް "ރަންނަމާރި ޗެލެންޖެ 1444" ގެ މާސްޓާސް ޑިވިޝަންގެ ޗެމްޕިއަންކަން އަހުމަދު ރަޝީދު (މަޑޭ) ހޯދައިފި އެވެ.

ފައިނަލް ހީޓުގައި މުހައްމަދު ވިޝާލް އަލީއާ ދެކޮޅަށް ވާދަކޮށް އޭނާ އެޅި އަށް ރާޅުގެ ތެރެއިން އެންމެ ރަނގަޅު ދެ ރާޅަށް ވަނީ 5.33 އަދި 6.50 ޕޮއިންޓް ހޯދައިފަ އެވެ.

މަޑޭއާ އެއްވަރުކުރަން ވިޝާލް އަށް 7.00 ޕޮއިންޓްގެ ރާޅެއް ބޭނުންވިއިރު، ފައިނަލް ހީޓުގައި ވިޝާލް 16 ރާޅު ފުރިހަމަކުރިއެވެ. އެހެންނަމަވެސް، ވިޝާލްގެ އެންމެ ރަނގަޅު ދެ ރާޅަށްވެސް ލިބުނީ 3.83 އަދި 4.83 އެކެވެ. 

Advertisement

ގދ. ގައްދޫއަށް އުފަން، އަދި އެ ރަށުން ގިނަ ސާފަރުންތަކެއް ތަމްރީނު ކޮށްގެން ނެރުނު މަޑޭ، ފައިނަލަށް ދަތުރު ކުރީ މިދިޔަ އަހަރުގެ މާސްޓާސް ޗެމްޕިއަން އިބްރާހިމް އަރީފް (މާކް) އާ ދެކޮޅަށް ސެމީ ފައިނަލް ގައި ފުރިހަމަ ކާމިޔާބީއެއް ހޯދައިގެންނެވެ.