ވޯލްޑްކަޕް 2022 ގެ ފުރަތަމަ މެޗުގައި ގަތަރާއި އެކުއެޑޯ ބައްދަލުކުރި މެޗަށްފަހު ގިނަ ބައެއްގެ ލޮލުގައި އަޅައިގަތީ އެ މެޗާއި ހުޅުވުމުގެ ރަސްމިއްޔާތު ބެލުމަށް ދަނޑަށް ވަދެ ތިބި ޖަޕާނު ސަޕޯޓަރުންނަށެވެ.
މީގެކުރިން ވެސް ރިވެތި އަހުލާގާއި ސުލޫކު ދެމެހެއްްޓުމުގައި ނަމޫނާ ދެއްކި ޖަޕާނު ސަޕޯޓަރުން ވަނީ އެކުއެޑޯ އާއި ގަތަރު ބައްދަލުކުރި މެޗު ނިމުމުން އެ ސްޓޭޑިއަމުގެ އެތެރޭގައި އާންމުން އަޅާފައިވާ ކުނިތައް ނަގާ ސާފުކޮށްފައެވެ.
މި މަންޒަރު މީޑިއާއަށް ތިލަކޮށްދިނީ ބަހްރެއިންގެ ޔޫޓިއުބަރ އެއް ކަމުގައިވާ އުމަރު އަލް ފާރޫގެވެ. އޭނާ ލިޔުނު ލިޔުމުގައިވާ ގޮތުގައި މިއީ އެ މީހުން ކެމެރާއަށް ކުރި ކަމެއް ނޫން ކަމަށާއި ޖަޕާނު ރައްޔިތުން ދިޔައީ މުޅި ސްޓޭޑިއަމްގެ އެ ސަރަހައްދު ސާފުކޮށް ނަމޫނާ ދައްކާފައި ކަމަށެވެ.
" އަހަރެމެން ދުވަހަކުވެސް ތިބޭ ތަނެއް ނުސާފުކޮށް ބާއްވަން ދުލެއް ނުކުރަން، އެ ތަނަކަށް އަހަރެމެން އަބަދުވެސް އިހްތިރާމުކުރަން" އުމަރާއި ވާހަކަދައްކަމުން ޖަޕާނު ސަޕޯޓަރަކު ބުންޏެވެ.
ވަރަށް ގިނަ އަދަދެއްގެ ދިދަތަކެއް ވަނީ ސްޓޭޑިއަމުގެ އެކި ހިސާބުތަކަށް އުކާފައެވެ. ޖަޕާނު ސަޕޯޓަރުން ވަނީ އެ ދިދަތަށް ނެގުމަށްފަހު އެއަށް އިހްތިރާމު އަދާކޮށްފައެވެ.
މީގެކުރިން 2018 ގެ ވޯލްޑް ކަޕުގައި ވެސް ޖަޕާނު ރައްޔިތުންގެ ފަރާތުން މިފަދަ މަންޒަރުތަކެއް ފެނިފައިވެއެވެ. އަދި އާންމުންގެ ބޮޑު ތަރުހީބެއްވެސް ލިބުނެވެ.
Advertisement
This content is created and paid for by advertisers and does not involve Voice Journalists
