ފީފާ ވޯލްޑް ކަޕް ގައި ޖަޕާއިން ޖަރުމަނު ވިލާތް އިއްޔެ ބައްދަލު ކުރި މެޗަށްފަހު، ޖަޕާނު ޓީމުގެ ކުޅުންތެރިން ތިބި ޗޭންޖިން ރޫމް، އެ ކުޅުންތެރިން ދޫކޮށްފައި ދިޔަ ގޮތަށް ފީފާއިން ވަރަށް ބޮޑަށް ތައުރީފް ކޮށްފިއެވެ. 

ފީފާގެ ރަސްމީ ޓުވިޓާ އެކައުންޓުން ކުރި ޓްވީޓެއްގައި ބުނީ، ޖަޕާނުން ޖަރުމަނުގެ މައްޗަށް 2-1 ނަތީޖާ އަކުން ހޯދު ތަރީޚީ ކާމިޔާބީ އަށްފަހު، އެ ޓީމުގެ ސަޕޯޓަރުންވަނީ މެޗު ކުޅެވުނު ސްޓޭޑިއަމް ސާފުކޮށް އަނެއްކާވެސް ނަމޫނާ ދައްކާފައިކަމަށެވެ. 

އަދި ސަޕޯޓަރުން އެފަދަ ރިވެތި ނަމޫނާއެއް ދެއްކި އިރު، ޖަޕާނު ޓީމުގެ ކުޅުންތެރިން ތިބި، ޗޭންޖިން ރޫމް އެ ކުޅުންތެރިން ދޫކޮށްފައި ދިޔައިރު ހުރި، ތަރުތީބު ކަމާއި ސާފުކަމަށް ތައުރީފްކޮށް ފީފާ އިން ބުނީ ޚަލީފާ އިންޓަނޭޝަނަލް ސްޓޭޑިއަމް ގައި ޖަޕާނުގެ ކުޅުންތެރިން ތިބި ޗެންޖިންގ ރޫމް ހުރީ "ސްޕޮޓްލެސް" ކޮށް ކަމަށެވެ. 

Advertisement

އަދި ސާފުކުރުމުގެ އިތުރުން، އެ ކުޅުންތެރިން ވަނީ އެ ކޮޓަރީގެ ތެރޭގައި ހުރި މޭޒެއްގައި ކަރުދާހުން ހަދާފައި ކުރި ދޫނިތަކެއް އެތުރުމަށްފަހު ޝުކުރު އަދާކޮށް މެސެޖެއްވެސް ލިޔެފައެވެ. 

މީގެކުރިން ވެސް ރިވެތި އަހުލާގާއި ސުލޫކު ދެމެހެއްްޓުމުގައި ނަމޫނާ ދެއްކި ޖަޕާނު ސަޕޯޓަރުން ވަނީ ވޯލްޑްކަޕް 2022 ގެ ފުރަތަމަ މެޗުގައި އެކުއެޑޯ އާއި ގަތަރު ބައްދަލުކުރި މެޗު ނިމުމުން އެ ސްޓޭޑިއަމުގެ އެތެރޭގައި އާންމުން އަޅާފައިވާ ކުނިތައް ނަގާ ސާފުކޮށްފައެވެ. 

2018 ގެ ވޯލްޑް ކަޕުގައި ވެސް ޖަޕާނު ރައްޔިތުންގެ ފަރާތުން މިފަދަ މަންޒަރުތަކެއް ފެނިފައިވެއެވެ. އަދި އާންމުންގެ ބޮޑު ތަރުހީބެއްވެސް ލިބުނެވެ.