މިހާރު ގަތަރުގައި ކުރިއަށްދާ ވޯލްޑް ކަޕް މެޗުތަކުގެ ތެރެއިން އެންމެ ގިނަ މީހުންގެ ސަމާލުކަމާއި ތައުރީފް ލިބޭ އެއްބަޔަކީ ޖަޕާނުގެ ސަޕޯޓަރުންނެވެ.
ކޮންމެ މެޗަކަށްފަހުވެސް ދަނޑަށް ވަދެ ތިބޭ ޖަޕާނު ސަޕޯޓަރުންތައް އެތަނަށް އެހެން މީހުން އަޅާފައިވާ ކުނިތައް ނަގައި ސާފުކުރާ ކަމީ ގިނަ ބައެއްގެ އިތުރުން ފީފާއިންވެސް އެކަމަށް ތައުރީފް ކުރާ ކަމެކެވެ.
އަދި ޖަޕާނުގެ އެ ރީތި އާދަ އެހެން މީހުންވެސް ދަސްކުރަށްޖެހޭ ކަމަށް ގިނަ ބަޔަކު އަންނަނީ ބުނަމުންނެވެ. ވަކިން ޚާއްސަކޮށް އަހަރެމެން މުސްލިމުންނަކީ ސާފުތާހިރު ކަމަށް ލޯބި ކުރަންޖެހޭ ބަޔަކަށް ވާއިރު މުސްލިމުންގެ ކިބައިންވެސް މި އާދަ ފެނުމަށް ގިނަ މުސްލިމުން އަންނަނީ އެދެމުންނެވެ.
އެފަދަ އެންމެންގެ މޫނަށް ހިނިތުންވުން ގެނުވީ އިއްޔެ ސައުދީ އަރަބިއްޔާގެ ސަޕޯޓަރުންނެވެ.
ވޯލްޑް ކަޕް ގައި ސައުދީ އަރަބިއްޔާ ކުޅުނު ދެވަނަ މެޗު އިއްޔެ ޕޮލެންޑާއި އެކު ކުޅެފައިވާއިރު އެ މެޗު 2-0 ނަތީޖާއަކުން ކާމިޔާބު ކުރީ ޕޮލެންޑުންނެވެ.
އެ މެޗުން ސައުދީ ބަލިވި ނަމަވެސް، އެ ޓީމުގެ ސަޕޯޓަރުން ވަނީ، މެޗު ނިމުމުން ސްޓޭޑިއަމް ސާފުކޮށް ގިނަބައެއްގެ ލޯބި ސައުދީ އަރަބިއްޔާއަށް ހޯދައިދީފައެވެ. ސައުދީ ސަޕޯޓަރުން ސްޓޭޑިއަމް ސާފުކުރާ ވީޑިއޯތައް މީސް މީޑިއާގައި މިހާރު ދައުރުވަމުންދާއިރު ގިނަ ބަޔަކު ވަނީ ސައުދީ އެކޭ އެއްގޮތަށް އެހެން ގައުމުތައް ވެސް އެކަމުގައި ޖަޕާނުން ނަމޫނާ ނެގުމަށް އެދިފައެވެ.
Advertisement
This content is created and paid for by advertisers and does not involve Voice Journalists
