ޔުނައިޓެޑް ނޭޝަންސް އެޑިއުކޭޝަނަލް، ސައިންޓިފިކް އެންޑް ކަލްޗަރަލް އޯގަނައިޒޭޝަން (ޔުނެސްކޯ) އިން އާޖެންޓީނާގެ ގައުމީ ޓީމަށާއި، އެ ޓީމުގެ ކެޕްޓަން މެސީއަށް ޝުކުރު އަދާކޮށްފިއެވެ. 

ޔުނެސްކޯއިން މޭސީ އަށާއި އާޖެންޓީނާ ޓީމަށް ޝުކުރު އަދާކޮށްފައިމިވަނީ، މެސީގެ ކެޕްޓަން ބޭންޑުގައި، އެންމެނަށް ހަމަހަމަކަން މަތީ ތައުލީމް ފޯރުކޮށްދިނުމުގެ ގޮތުން ޔުނެސްކޯ އިން ފަށާފައިވާ 'އެޑިކޭޝަން ފޮރ އޯލް" ކެންޕެއިނުގައި ބައިވެރިވެ، ޔުނެސްކޯ ގެ އެ ލޯގޯ ހިމަނާފައި ވުމުންނެވެ. 

އެގޮތުން މެސީ އާއި އާޖެންޓީނާ ޓީމަށް ޝުކުރު އަދާކޮށް ޔުނެސްކޯއިން ކުރި އެ ޓުވީޓުގައި ވަނީ، ތައުލީމު ހާސިލުކުރުމުގައި އަހަރެމެން އެންމެންގެ ލަނޑުދަނޑި ނުވަތަ 'ގޯލް' އަކީ އެކައްޗެއް ކަމަށެވެ. 

Advertisement

ކުޅިވަރުގެ ތެރެއިން، އިންސާނިއްޔަތަށްޓަކައި މަސައްކަތް ކުރާ ޖަމިއްޔާތަކާއި، އެ ނޫންވެސް މިފަދަ ހަރަކާތްތައް ޕްރޮމޯޓް ކުރުމަށް އެކި ޓީމުތަކާއި ކުޅުންތެރިން މަސައްކަތް ކުރާއިރު، އަނެއްބައި ޓީމުތަކުން މަސައްކަތް ކުރަމުންދަނީ، މުޖުތަމައު ވެސް ގަބޫލުނުކުރާ ޢަމަލުތަކާއި، ސިޔާސީ ކަންކަން ޕްރޮމޯޓް ކުރުމަށެވެ.

ނަމަވެސް ސިޔާސީ ކަންކަން ފުޓުބޯޅައިގެ ތެރެއިން ޕްރޮމޯޓް ކުރުން ފީފާއިން ވަނީ މަނާ ކޮށްފައެވެ.