ޤަތަރުގައި އެއްޖިންސުން ގުޅުން ހިންގުން ޕްރޮމޯޓް ކުރުން މަސައްކަތް ކުރި އެމެރިކާގެ ކުޅިވަރު ނޫސްވެރިޔާ ގްރާންޓް ވޯލް، ވޯލްޑް ކަޕްގެ ކުއާޓާ ފައިނަލުގައި އާޖެންޓީނާ އާއި ނެދަލޭންޑްސް ރޭ ބައްދަލުކުރި މެޗު ކަވަރު ކުރުމުގެ މަސައްކަތުގައި އުޅެނިކޮށް ކުއްލި ގޮތަކަށް މަރުވެއްޖެއެވެ.
ފޮކްސް ނޫހުގައި މަސައްކަތް ކުރާ އެ ނޫސްވެރިޔާ މަރުވެފައި ވަނީ ރޭގެ އެ މެޘު ކަވަރު ކުރަން ހުއްޓައި ނޭވާލާން ދަތިވެގެން ކަމަށް ބޭރުގެ މީޑިއާ ތަކުން ރިޕޯޓް ކޮށްފައިވެއެވެ.
އުމުުރުން 48 އަހަރުގެ ގްރޭންޓް، މުބާރާތް ކަވަރު ކުރަމުން ދިޔަ އިރުވެސް އޭނާގެ ފަރާތުން އޭނާގެ ހާލު ދަށްވަމުން އައި ކަމުގެ އެކި ކަހަލަ އަލާމާތްތައް ފެނިފައިވާއިރު، އޭނާ މަރުވީ މުބާރާތް ކަވަރު ކުރުމުގައި އޭނާ ގެންގުޅުނު ބިޒީ ޝެޑިއުލްގެ ސަބަބުން ކަމަށް އޭނާގެ އެޖެންޓު ޓިމް ސްކޭލަން ބުނެއެވެ.
ގްރާންޓް މަރުވެފައިވާކަން، ފީފާއިން ވެސް ވަނީ ބަޔާނެއް ނެރެފައެވެ.
ކުޅިވަރު ނޫސްވެރިއެއްގެ އިތުރުން ގްރާންޓް އަކީ، ޤަތަރުގައި އެއްޖިންސުން ގުޅުން ހިންގުން ޕްރޮމޯޓް ކުރުން މަނާ ކުރުމާއި ގުޅިގެން އެކަމާއި ނުރުހުން ފާޅުކޮށްވެސް ގަތަރުގެ އެ ގަވައިދަށް ގޮންޖެހުމަށް މަސައްކަތް ކޮށްފައވާ މީހެކެވެ.
އެގޮތުން ވޯލްޑްކަޕު ގައި އެމެރިކާ އާއި ވޭލްސް ބައްދަލު ކުރި މެޗު ކަވަރު ކުރަން ސްޓޭޑިއަމް އަށް އައި އިރު، އޭނާ ހުރީ އެއްޖިންސުން ގުޅުން ހިންގުން ޕްރޮމޯޓް ކުރާ ކުލަތައް ހިމެނޭ ޓީޝާޓެއް ލައިގެންނެވެ. އަދި އެ ޓީޝާޓު ބަދަލު ކޮށްގެން އައުމަށް ސެކިއުރިޓީން އޭނާއަށް އެންގުމާއި ގުޅިގެން ނުރުހުން ފާޅުކޮށް އޭނާވަނީ ޓުވީޓެއްވެސް ކޮށްފައެވެ.
އެހެންނަމަވެސް، އޭނާގެ އެ އަމަލާއި ގުޅިގެން މީހުންގެ ނުރުހުން އަމާޒުވެގެން ދިޔައީ އޭނާއަށެވެ.
Advertisement
This content is created and paid for by advertisers and does not involve Voice Journalists
