ދެ ޓީމަކަށް ކުޅުނު ނަމަވެސް ހަކީމީ އާއި އެމްބާޕޭ ދައްކުވައިދިނީ ދެކުޅުންތެރިންގެ މެދުގައި އޮތް ލޯބި
ވޯލްޑްކަޕު ގެ ސެމީ ފައިނަލުގައި ރޭ ކުޅެވުނު މެޗުގައި ފްރާންސްގެ ހުނަރުވެރި ކުޅުންތެރިޔާ ކިލިއަން އެމްބާޕޭ، އާއި މޮރޮކޯގެ ގަދަފަދަ ޑިފެންޑަރު އަޝްރަފް ހަކީމީއާއި ދެކުޅުންތެރިން، ދެ ޓީމަކަށް ކުޅުނު ނަމަވެސް ދެ ކުޅުންތެރިންގެ ފަރާތުން ފެނިގެންދިޔަ އިހްތިރާމާއި ލޯތްބަށް ގިނަ ބައެއް ތައުރީފްކޮށްފިއެވެ.
ވޯލްޑްކަޕްގެ ސެމީގައި ރޭ ކުޅުނު މެޗުގައި 2-0 ގެ ނަތީޖާއަކުން ފްރާންސް ވަނީ މޮރޮކޯގެ މައްޗަށް ކުރި ހޯދައި ފައިނަލުން ޖާގަ ކަށަވަރު ކޮށްފައެވެ. އެއާއި ތައްޓާއި ހަމައަށް ވާސިލް ވުމަށް މޮރޮކޯ ކުޅުންތެރިން ފަށާފައިވާ ދަތުރުވަނީ ނިމުމަކަށް އައިސްފައެވެ.
މެޗުން ލިބުނު ނާކާމިޔާބީގެ ސަބަބުން މުބާރާތުގައި މޮޅު ކުޅުމެއް ދައްކަމުންއައި ހަކީމީގެ މޫނުންވެސް މާޔޫސްވުމާއި ހިތާމައިގެ ކުލަވަރު ފެނިގެން ގޮސްފައިވާއިރު، އޭނާގެ ހިތާމައިގައި ބައިވެރިވެ، ހިތްވަރު ދީފައިވަނީ، ކްލަބް ލެވެލްގައި އޭނާއާއި ޕީއެސްޖީއަށް ކުޅޭ ޓީމް މޭޓް، އެމްބާޕޭ އެވެ.
އެގޮތުން، މެޗަށްފަހު ހަކީމީ ދަނޑުމަތީގައި އޮށޯވެގެން އޮއްވައި އެމްބާޕޭ ވަނީ އޭނާ، ކައިރިއަށް ގޮސް އޭނާއަށް ހިތްވަރުދީފައެވެ.
އެމްބާޕޭގެ ފަރާތުން ފެނިގެންދިޔަ މި ޢަމަލަށް ގިނަ ބައެއްގެ ތައުރީފު ވަނީ ލިބިފައެވެ. އަދި އެ ދެމީހުންގެ އެކުވެރި ކަމަކީ ލާމަސީލު މިސާލެއް ކަމަށްވެސް އެފަރާތްތަކުން އަންނަނީ ބުނަމުންނެވެ.
މެޗު ނިމުމަށްފަހު ދެ ކުޅުންތެރިންގެ ފަރާތުން މިފެނިގެންދިޔަ ފަދަ އެކުވެރިކަމެއް މެޗު ފެށުމުގެ ކުރިންވެސް ވަނީ ފެނިފައެވެ. އެގޮތުން މެޗު ކުޅުމަށް ދެ ކުޅުންތެރިން ދިޔަ އިރުވެސް ވަނީ އެކަކު އަނެކަކަށް ހިތްވަރުދީފައެވެ.
Advertisement
This content is created and paid for by advertisers and does not involve Voice Journalists