މޯލްޑިވްސް މީޑިއާ ކައުންސިލް (އެމް.އެމް.ސީ)ގެ ރައީސްކަމަށް ޕަބްލިކް ސާވިސް މީޑިއާގެ ޓެކްނިކަލް އޮޕަރޭޝަން މެނޭޖަރު އަހުމަދު މުޞްތަފާ އިންތިޚާބުކޮށްފިއެވެ.

މުސްތަފާ ރައީސް ކަމަށް އިންތިހާބު ކޮށްފައިވަނީ، މީޑިއާ ކައުންސިލްގެ ކުރިއަށްއޮތް ދައުރަށް އިންތިޚާބުވި މެމްބަރުން މަޤާމާއި ހަވާލުވުމަށްފަހު ބޭއްވި ފުރަތަމަ ޖަލްސާގައެވެ. 

ރައީސްކަމުގެ މަޤާމަށް މުޞްތަފާ އިންތިހާބުވީ، އާފަތިސް އޮންލައިންގެ ޢަލީ ނިޝާން، ވަނީ ވާދަކޮށް 3 ވޯޓުގެ ތަފާތުންނެވެ. މުސްތަފާ އަށް 9 ވޯޓު ލިބިލެއްވި އިރު ނިޝާން އަށް ލިބުނީ 6 ވޯޓެވެ. 

މީޑިއާގައި މަސައްކަތްކުރައްވާތާ 28 އަހަރުގެ ތަޖުރިބާ ލިބިފައިވާ މުޞްތަފާއަކީ ޕީ.އެސް.އެމްގެ މޯލްޑިވްސް މީޑިއާ އިންސްޓިޓިއުޓުގައި ނޫސްވެރިން ތަމްރީން ކުރުމަށް ހިންގާ އެކި ކޯސްތަކުގައި އުނގަންނައި ދިނުމުގެ މަސައްކަތްވެސް ކުރައްވާ ބޭފުޅެކެވެ.

މީޑިއާ ކައުންސިލްގެ ރައީސް ގެ އިތުރުން، އެ ޖަލްސާގައި ވަނީ ނައިބު ރައީސް ވެސް އިންތިޚާބު ކޮށްފައެވެ.

ނައިބު ރައީސް ކަމަށް 3 ބޭފުޅަކު ވަނީ ވާދަކޮށްފައެވެ. ނައިބު ރައީސްކަމަށް ހޮވިފައިވަނީ ވަގުތު އޮންލައިންގެ ޙުސައިން ޝަރީފެވެ. އޭނާއަށް 7 ވޯޓު ލިބުނުއިރު، އޭނާއާއި ވާދަކުރި ވަން އޮންލައިންގެ މުޙައްމަދު ސިމާޢުއަށް ލިބުނީ 2 ވޯޓެވެ. އަޙްމަދު އަމީން މުޙައްމަދަށް ލިބުނީ 6 ވޯޓެވެ.

މީޑިއާ ކައުންސިލްގެ މިއަދު ބޭއްވުނު ޖަލްސާ ގެ ތެރެއިން: ފޮޓޯ/ޕީއެސްއެމް

މީޑިއާ ކައުންސިލް އެކުލެވިގެންވަނީ މީޑިއާގެ އިދާރާތައް ތަމްސީލުކުރާ 8 މެންބަރުންނާއި، ޢާންމުންގެ ތެރެއިން އިންތިޚާބު ކުރެވޭ 7 މެންބަރުންނާއެކު ޖުމްލަ 15 މެންބަރުންގެ މައްޗަށެވެ. ނަމަވެސް މީޑިއާ ކައުންސިލްގެ ކުރިއަށް އޮތް ދައުރަށް މިއަދު އިންތިޚާބުކޮށްފައިވަނީ 13 މެންބަރުންނެވެ.