މިރޭ ކުޅެވޭ ވޯލްޑްކަޕް ފައިނަލްގައި 3-1 ފުރާންސް މޮޅުވާނެ ކަމަށް ލަފާކުރެވޭކަމަށާއި އަދި މިމެޗުގައި ފްރާންސް ތަރި އެމްބާޕޭގެ ފަރާތުން 2 ގޯލް ފެނިގެން ދާނެކަމަށް އިނގިރޭސި ވިލާތުގެ މަޝްހޫރު ނޫސްވެރިޔާ ޕިއާސް މޯގަން ބުނެފިއެވެ.
ވޯލްޑް ކަޕް ޗެންޕިއަންކަން 2 ފަހަރު ހޯދާފައިވާ އާޖެންޓީނާ މިފަހަރުގެ މުބާރާތުގެ ފައިނަލުން ފުރުސތު ހޯދީ ސެމީ ފައިނަލްގައި އެންމެ ފަހުގެ ރަނަރަޕް ކްރޮއޭޝިއާ ފާސޭހަކަމާއެކު 3-0 ން ބަލިކުރުމަށް ފަހުގަައެވެ. އަދި އެންމެ ފަހުގެ ޗެންޕިއަން ފުރާންސް މުބާރާތުގެ ފައިނަލުން ޖާގަހޯދީ މި މުބާރާތުގެ ސަޕްރައިޒިން ޓީމެއްގެ ގޮތުގައި ސެމީ ފައިނަލުން ޖާގަ ހޯދި މޮރޮކޯ 2-0 ން ބަލިކުރުމަށް ފަހުގައެވެ.
މިރޭގެ ފައިނަލް މެޗާއި ބެހޭގޮތުން ކުރި ޓްވީޓެއްގައި މޯގަން އިތުރަށް ބުނެފައިވަނީ މިރޭގެ މެޗުގެ މޮޅު ކުޅުންތެރިއަކަށް ހޮވޭނީ ގްރީޒްމަން ކަމަށާއި މެޗަށް ހަފު މެސީ ރޯތަން ފެނިގެން ދާނެކަމަށެވެ.
Advertisement
This content is created and paid for by advertisers and does not involve Voice Journalists
