ފުރާ ގަޑީގެ ތިން ގަޑިއިރު ކުރިއަށް އެއާޕޯޓަށް އަށް ދިއުމަށް އެއާޕޯޓު ހިންގަމުންދާ އެމްއޭސީއެލުން އިލްތިމާސްކޮށްފިއެވެ.
އެމްއޭސީއެލް އިން ކުރި ޓްވީޓެއްގައި ބުނީ، މިދުވަސްވަރަކީ ޗުއްޓީ ދުވަސްވަރުކަމަށްވާތީ، އެއަރޕޯޓުގެ ކިއުތައް ދިގުވެ، ޑިލޭތައް މަދުކުރުމަށް ފުރުމުގެ ތިން ގަޑިއިރުކުރިން އެއަރޕޯޓަށް އައުމަށް އެދޭ ކަމަށެވެ.
އަދި އިންޓަނޭޝަނަލް ދަތުރުކުރާ ހުރިހާ ފަރާތްތަކުން ވެސް ޗެކްއިން ވުމުގެ ކުރިން އިމުގާ ފޯމް ފުރުމަށް ވެސް ވަނީ ހަނދާން ކޮށްދީފަ އެވެ.
މި ދުވަސްވަރަކީ ރާއްޖޭގެ ފަތުރުވެރިކަމުގެ ޕީކް ސީޒަންގެ އިތުރުން، އުމްރާ އަށް މީހުން ފުރާ ދުވަސްވަރާއި، އަދި ސްކޫލު ޗުއްޓީވާ ދުވަސްވަރުވެސް މެއެވެ.
މީގެ ކުރިން ވެސް އެ ކުންފުނިން ސްކޫލު ޗުއްޓީ އާއި އީދު ބަންދު ދުވަސްތަކާ ގުޅިގެން މިގޮތަށް އިލްތިމާސްކޮށްފައިވެއެވެ.
އެއާޕޯޓުންދޭ ހިދުމަތްތައް ހަރުދަނާކުރުމަށް ގިނަ ބަދަލުތަކެއް ގެނެސްފައިވާއިރު، އިމިގްރޭޝަން ކައުންޓަރުތައް ވަނީ އިތުރުކޮށްފަ އެވެ. އެގޮތުން ޑިޕާޗަރއަށް 7 ކައުންޓަރ، އެރައިވަލްއަށް 11 ކައުންޓަރ ވަނީ އިތުރުކޮށްފަ އެވެ.
Advertisement
This content is created and paid for by advertisers and does not involve Voice Journalists
