ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހަށް ދެވަނަ ދައުރެއްދޭން ޖެހޭ ޝަރުތު ހަމަނުވާކަމަށް ކުރީގެ ނައިބުރައީސް ޑރ މުހައްމަދު ޖަމީލު އަހުމަދު ވިދާޅުވެއްޖެ އެވެ.
ޑރ ޖަމީލު މިފަދައިން ވިދާޅުވެފައި ވަނީ އެމްޑީީޕީގެ ރިޔާސީ ޕްރއިމަރީގައި ރައީސް ސޯލިހު ވާދަކުރައްވާނެކަން އިއުލާނު ކުރެއްވުމާއި ގުޅިގެން އެމަނިކުފާނަށް ފާޑުވިދާޅުވެ ކުރެއްވި ޓްވީޓެއްގައެވެ.
ޑރ ޖަމީލު ވިދާޅުވީ ރައީސް ސޯލިހަށް ދެވަނަ ދައުރެއް ދޭން ޖެހޭ ޝަރުތު ހަމަނުވާކަމަށެވެ.
ރައީސް ސޯލިހުގެ ވެރިކަމުގައި ޓެކްސްގެ ނަމުގައި ރައްޔިތުން ލޫޓުވަމުން ދާކަމަށް ޑރ ޖަމީލު ވިދާޅުވިއެވެ.
އޭގެ އިތުރުން، ރައްޔިތުންގެ ބޮލުގައި މިލިއަނެއްހާ ރުފިޔާގެ ދަރަނި އަޅުވާފައިވާ ކަމަށާއި، އަމިއްލަ ޖީބުންކަމަށް ބުނެ ދައުލަތުގެ މާލިއްޔާއިން އަމިއްލަ ކަންކަމަށް ރައީސް ސޯލިހު ޚަރަދުކުރައްވަމުން ދާކަމަށް ޑރ ޖަމީލުގެ އެ ޓްވީޓުގައި ވަނީ ވިދާޅުވެފައެވެ.
މި ފަދަ އެތައް ސަބަބެއް ހުރުމުން ރައީސް ސޯލިހަށް ދެވަނަ ދައުރެއް ދޭން ނުޖެހޭކަމަށް ޑރ ޖަމީލު ވަނީ ތަކުރާރުކޮށް ވިދާޅުވެފައެވެ.
ޑރ ޖަމީލުގެ އެ ޓްވީޓުގައި ވަނީ ކުރީގެ ރައީސް ޔާމީން އަބްދުލްގައްޔޫމުގެ ވެރިކަމުގައި ސިޔާސީ މަގާމުތައް ގިނަކަމަށް ވިދާޅުވެ ރައީސް ސޯލިހު ފާޑުވިދާޅުވެ ވާހަކަދެއްކެވި ވީޑިއޯއެއްވެސް ހިއްސާކުރައްވާފައެވެ.
އެގޮތުން ސިޔާސީ މަގާމުތައް މަދުކޮށް، ޚަރަދު ކުޑަ ސަރުކާރެއް އުފައްދަވާނެކަމަށް ރައީސް ސޯލިހު ވަނީ ވައުދުވެވަޑައިގެންފަ އެވެ.
އެެހެން ނަމަވެސް، ވެރިކަމަށް ވަޑައިގަތުމަށްފަހު 1000 އާއި ގާތްކުރާ އަދަދަކަށް ވަނީ ސިޔާސީ މަގާމުތައް އުފައްދަވާފައެވެ. އަދި ގިނަ މަގާމުތައް ދެއްވާފައިވަނީ އާއިލީ ބޭފުޅުންނާއި، އެމްޑީޕީގެ އެކްޓިވިސްޓުންނަށްކަން ފާހަގަކޮށްލެވެއެވެ.
Advertisement
This content is created and paid for by advertisers and does not involve Voice Journalists
