ސިޔާސީ ޚިޔާލު ތަފާތުވުންތައް އޮތް ނަމަވެސް އެއްވެސް ވިޔަފާރިއަކަށް ހުރަސް ނާޅުއްވާނެކަމުގެ ޔަގީންކަން ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު ދެއްވައިފިއެވެ.
ގއ. ދާންދޫ ބިން ހިއްކުމުގެ މަޝްރޫޢުގެ ނިމުން ފާހަގަކުރުމަށް ދާންދޫ ހިއްކި ބިމުގައި ބޭއްވި ރަސްމިއްޔާތުގައި ވާހަކަދައްކަވަމުން ރައީސް ސޯލިހު ވިދާޅުވީ މި ވެރިކަމުގައި ވިޔަފާރިވެރިންނަށް ބޭނުންވާ ކަންކަން ފަހިކޮށްދިނުމުގެ މަސައްކަތް ކުރަމުންދާ ކަމަށެވެ.
ވިޔަފާރީގެ ދާއިރާއިން ކުރިއަށްދާން ބޭނުންވާ ފަރާތްތަކަށް އެ ފުރުސަތު އޮތް ކަމަށާއި، އެއްވެސް ވިޔަފާރިވެރިއަކަށް ސަރުކާރުން ހުރަސް ނާޅާނެކަމަށް ރައީސް ސޯލިހު ވިދާޅުވިއެވެ.
"ޔަގީންކަމާއެކު އަޅުގަނޑު މި ދަންނަވަނީ، ސިޔާސީ ޚިޔާލުތަފާތުވުންތަކުގެ ތެރޭގައި، އެއްވެސް ވިޔަފާރިވެރިއަކަށް ހުރަސް ނާޅާނަން. ކުރިއަށް ވަޑައިގަންނަވަންވީ، ސަރުކާރު މި އޮތީ، ވިޔަފާރިވެރިންނަށް މަގުފަހިކޮށް ދިނުމަށް، ފަސޭހަކޮށްދިނުމަށް"
ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު
ރައީސް ސޯލިހު އިތުރަށް ވިދާޅުވީ ވިޔަފާރިވެރިންނަށް ވިޔަފާރި ކުރާނެ ފުރުސަތު ފަހިކޮށްދިނުމަށް ގާނޫނުތަކަށް ގެންނަން ޖެހޭ ބަދަލުތައް ގެނެސް އުސޫލުތައް ހަރުދަނާކުރާނެ ކަމަށެވެ.
ވިޔަފާރިވެރިންނަށް ހުރަސް ނާޅުއްވާނެކަމުގެ ޔަގީންކަން ރައީސް ސޯލިހު ދެއްވާފައިވާއިރު، ކޯވިޑްގެ ހާލަތުގައި ވިޔަފާރިވެރިންނަށް ޚާއްސަ ލުއި ލޯނުތަކެއް ސަރުކާރުން ވަނީ ދޫކޮށްފައެވެ.
ސަރުކާރުން އޭރު ދޫނުރި ލޯނުތަކަކީ ކުދި ވިޔަފާރިތައް ބަނގުރޫތުވުމުން ސަލާމަތްކޮށްދިނުމަށް ވިޔަފާރިތަކަށް ފޯރުކޮށްދިން މާލީ އެހީތެރިކަމުގެ ގޮތުގައި ސަރުކާރުން ވަނީ ސިފަކޮށްފައެވެ.
Advertisement
This content is created and paid for by advertisers and does not involve Voice Journalists
