ރަސްމީ ދަތުރު ފުޅެއްގައި ރައީސް އޮފީހުގެ ޗީފް އޮފް ސްޓާފް އަލީ ޒާހިރު, ރާއްޖެއިން ބޭރަށް ވަޑައިގަންނަވަން އިއްޔެ އޮއްވައި، ފަހުވަގުތުގައި ޓިކެޓް ކެންސަލް ކުރައްވާ ފައިވާ ކަމަށް ޕީޕީއެމްގެ ނައިބު ރައީސް އަދި ރައްޔިތުންގެ މަޖިލީހުގެ ނައިފަރު ދާއިރާގެ މެންބަރު އަހުމަދު ޝިޔާމް ވިދާޅުވެއްޖެއެވެ. 

މިއަދު 9 ޖަހާއިރަށް ތާވަލް ކުރެވުނު ކުރީގެ ރައީސް އަދި އިދިކޮޅު ކޯލިޝަންގެ ރިޔާސީ ކެންޑިޑޭޓް، ރައީސް ޔާމީންގެ ވ އާރަށް ކުއްޔަށް ދޫކުރުމުގެ މުއާމަލާތާއި ގުޅޭ ޝަރީއަތް އަދިވެސް ފަށާފައިނުވާތީ ކަންބޮޑުވުން ފާޅުކޮށް، ވާހަކަ ދައްކަވަމުން ޝިޔާމް ވަނީ ޝަރީއަތް ލަސްވާ ސަބަބު ހާމަކޮށްދިނުމަށް ގޮވާލާފާފައެވެ.

ޝިޔާމް ވިދާޅުވީ, އަދުގެ ސަރުކާރުން މަސައްކަތް ކުރަމުންދަނީ ހުރިހާ މުވައްސަސާތަކަކާއި ގުޅިގެން ދިވެހި ރައްޔިތުން "ފެލާލަން ކަމަށެވެ. އެހެންނަމަވެސް، ދިވެހި ރައްޔިތުން ތިބީ އެ ފުރުސަތު ދޭން ނޫން ކަން ވަނީ، މިއަދު ތާވަލް ކޮށްފައި އޮތް ޝަރީއަތުގެ މަޖިލިސް ވަގުތުން ވަގުތަށް ފެށުމަށް ގޮވާލާފައެވެ. 

ޝިޔާމް ވިދާޅުވީ، މިވަގުތުވެސް ފަނޑިޔާރު ހުންނެވީ ރަހީނު ކުރައްވާފައިކަމަށެވެ. އެފަދައިން ކަން ކުރަމުން އެދަނީ ފަނޑިޔާރުން ކުރާނެ ހުކުމެއް ނޭނގޭތީ، އެ ހުކުމް ހޯދަން ކަމަށްވެސް އޭނާ ވިދާޅުވިއެވެ. އެހެން ކަމުން ފަނޑިޔާރުން މިނިވަންކޮށް، މިނިވަންކަމާއި އެކުގައި ހުކުމް ކުރުމުގެ ފުރުސަތު ދެއްވުމަށްވެސް އޭނާ ވަނީ ގޮވާލާފައެވެ. އަދި ކްރިމިނަލް ކޯޓުގެ ތެރޭގައި ތިބި ސިފައިންނާއި ސަރުކާރަށް ނިސްބަތްވާ ފަރާތްތަށް ވެސް ވަގުތުން ވަގުތަށް ކޯޓުން ނުކުތުމަށް ޝިޔާމް ވަނީ ގޮވާލާފައެވެ.