ރަސްމީ ދަތުރު ފުޅެއްގައި ރައީސް އޮފީހުގެ ޗީފް އޮފް ސްޓާފް އަލީ ޒާހިރު, ރާއްޖެއިން ބޭރަށް ވަޑައިގަންނަވަން އިއްޔެ އޮއްވައި، ފަހުވަގުތުގައި ޓިކެޓް ކެންސަލް ކުރައްވާ ފައިވާ ކަމަށް ޕީޕީއެމްގެ ނައިބު ރައީސް އަދި ރައްޔިތުންގެ މަޖިލީހުގެ ނައިފަރު ދާއިރާގެ މެންބަރު އަހުމަދު ޝިޔާމް ވިދާޅުވެއްޖެއެވެ.
މިއަދު 9 ޖަހާއިރަށް ތާވަލް ކުރެވުނު ކުރީގެ ރައީސް އަދި އިދިކޮޅު ކޯލިޝަންގެ ރިޔާސީ ކެންޑިޑޭޓް، ރައީސް ޔާމީންގެ ވ އާރަށް ކުއްޔަށް ދޫކުރުމުގެ މުއާމަލާތާއި ގުޅޭ ޝަރީއަތް އަދިވެސް ފަށާފައިނުވާތީ ކަންބޮޑުވުން ފާޅުކޮށް، ވާހަކަ ދައްކަވަމުން ޝިޔާމް ވަނީ ޝަރީއަތް ލަސްވާ ސަބަބު ހާމަކޮށްދިނުމަށް ގޮވާލާފާފައެވެ.
"ރަސްމީ ދަތުރު ފުޅެއްގައި އަލީ ޒާހިރު, ރާއްޖެއިން ބޭރަށް ވަޑައިގަންނަވަން އިއްޔެ އޮތީ، އެހެން ނަމަވެސް ފަހުވަގުތު ޓިކެޓް ކެންސަލް ކުރައްވައި އެ ހުންނެވީ، ކޮން ކަމެއްތޯ އެ ކުރައްވަނީ ދިވެހި ރައްޔިތުން މިއަދު އެބަ ސުވާލު އުފައްދާ. ދިވެހިރާއްޖޭގެ ސަލާމަތީ ބާރުތައް މިތާ މި ކޯޓު ތެރެއަށް ވަދެ ކީއްތޯ އެ ކުރައްވަނީ ރައްޔިތުން މިއަދު އެބަ ސުވާލު އުފައްދަވާ."
ނައިފަރު ދާއިރާގެ މެންބަރު އަހުމަދު ޝިޔާމް
ޝިޔާމް ވިދާޅުވީ, އަދުގެ ސަރުކާރުން މަސައްކަތް ކުރަމުންދަނީ ހުރިހާ މުވައްސަސާތަކަކާއި ގުޅިގެން ދިވެހި ރައްޔިތުން "ފެލާލަން ކަމަށެވެ. އެހެންނަމަވެސް، ދިވެހި ރައްޔިތުން ތިބީ އެ ފުރުސަތު ދޭން ނޫން ކަން ވަނީ، މިއަދު ތާވަލް ކޮށްފައި އޮތް ޝަރީއަތުގެ މަޖިލިސް ވަގުތުން ވަގުތަށް ފެށުމަށް ގޮވާލާފައެވެ.
ފަނޑިޔާރުންނަށް މިނިވަންކަމާއި އިންސާފް ވެރިކަމާއި އެކުގައި ޝަރީއަތް ކުރުމުގެ ހައްގު ލިބިގެންވޭ. އެބޭފުޅުންގެ އިސްތަށިފުޅުގައި އެއޮތީ ގައުމީ މަސްއޫލިއްޔަތެއް. އެ މަސްއޫލިއްޔަތު މިއަދު އަދާކުރައްވަން އެބަޖެހޭ. ދިވެހިރައްޔިތެއްކަން ކޮންމެ ފަނޑިޔާރަކު މިއަދު ސާބިތު ކޮށްދޭން އެބަޖެހޭ. އަޅުގަނޑުމެން ގޮވާލަން، ރައީސުލްޖުމްހުރިއްޔާ އިބްރާހީމް މުހައްމަދު ޞާލިހަށް، ރާއްޖޭގެ ކޯޓުތަކަށް އަތް ބޭނުން ހުއްޓާލާށޭ. ޝަމާލް އާއި ހަމީދާއި ދިވެހިރާއްޖޭގެ ސަލާމަތީ ބާރުތައް މިތަނަށް ވައްދައިގެން ތިޔަ ކުރާ ކަންތައް މިހާރުން މިހާރަށް ހުއްޓާލާށޭ.
ނައިފަރު ދާއިރާގެ މެންބަރު އަހުމަދު ޝިޔާމް
ޝިޔާމް ވިދާޅުވީ، މިވަގުތުވެސް ފަނޑިޔާރު ހުންނެވީ ރަހީނު ކުރައްވާފައިކަމަށެވެ. އެފަދައިން ކަން ކުރަމުން އެދަނީ ފަނޑިޔާރުން ކުރާނެ ހުކުމެއް ނޭނގޭތީ، އެ ހުކުމް ހޯދަން ކަމަށްވެސް އޭނާ ވިދާޅުވިއެވެ. އެހެން ކަމުން ފަނޑިޔާރުން މިނިވަންކޮށް، މިނިވަންކަމާއި އެކުގައި ހުކުމް ކުރުމުގެ ފުރުސަތު ދެއްވުމަށްވެސް އޭނާ ވަނީ ގޮވާލާފައެވެ. އަދި ކްރިމިނަލް ކޯޓުގެ ތެރޭގައި ތިބި ސިފައިންނާއި ސަރުކާރަށް ނިސްބަތްވާ ފަރާތްތަށް ވެސް ވަގުތުން ވަގުތަށް ކޯޓުން ނުކުތުމަށް ޝިޔާމް ވަނީ ގޮވާލާފައެވެ.
Advertisement
This content is created and paid for by advertisers and does not involve Voice Journalists
