އިދިކޮޅު ކޯލިޝަންގެ އިސް ސަފުގައި ތިބި ފަރާތްތައް އަރާމުގައި ތިބެގެނެއް، އެ ކޯލިޝަންގެ ރިޔާސީ ކެންޑިޑޭޓް ރައީސް ޔާމީން އަބްދުލްގައްޔޫމް މިނިވަންކުރުމަށް ކުރާ މަސައްކަތުގައި އެދެވޭ ނަތީޖާއެއް ނުނެރެވޭނެ ކަމަށް މާލެ ސިޓީ ކައުންސިލްގެ ރައީސް، އަދި ޕީޕީއެމްގެ ނައިބު ރައީސް ޑރ. މުހައްމަދު މުއިއްޒު ވިދާޅުވެއްޖެއެވެ.

ރޭ ބޭއްވި ޕީޕީއެމް/ޕީއެންސީގެ ޖޮއިންޓް ސެނެޓްގެ ބައްދަލުވުމުގައި ވާހަކަ ދައްކަވަމުން ޑރ. މުޢިިއްޒު ވިދާޅުވީ، ރައީސް ޔާމީނާއި ދެކޮޅަށް ކޮށްފައިވާ "ހަރާމް" ހުކުމާއި ދެކޮޅަށް ރާއްޖޭގެ ހުރިހާ ކަންކޮޅުތަކެއްގައި ދިރިއުޅެމުންދާ ދިވެހިން މަސައްކަތް ކުރަންޖެހޭ ކަމަށެވެ.އަދި

އަދި ވަކިން ޚާއްސަކޮށް އެ މަސައްކަތުގައި އިދިކޮޅުގެ އިސް ލީޑަރުންނާއި ސެނެޓުގެ މެންބަރުން ނަމޫނާ ދައްކަވަންޖެހޭ ކަމަށްވެސް އޭނާ ވިދާޅުވި އެވެ.

"އަޅުގަނޑުމެން އަރާމުގައި، ފިނި ކޮޓަރީގައި، ނޫނީއްޔާ އަޅުގަނޑުމެންގެ އަމިއްލަ ގޭގައި ތިބެގެންނެއް އަޅުގަނޑުމެން ރައީސް ޔާމީން މިނިވަން ކުރުމަށް މި ކުރާ މަސައްކަތުގައި އެދެވޭ ނަތީޖާއެއް ނުނެރެވޭނެ. އެހެންވީމާ ޕާޓީގެ ފަރާތުން މިއެދޭ ހުރިހާ ވަގުތު ތަކެއްގައި، ހުރިހާ ކަމެއްގައި އަޅުގަނޑުމެން އެބަޖެހޭ ބައިވެރި ވާން. އެއީ އަޅުގަނޑުމެން ނަށް މިވަގުތު ކޮންމެހެން ލާޒިމް ކަމެއް. އެހެންވީމާ އަޅުގަނޑު އެދެން، އެންމެ ފުރަތަމަ ސެނެޓަރުންނާއި، ދާއިރާ ރައީސުންނާއި، އެކިއެކި މަގާމް ތަކަށް ޕާޓީގެ އިންތިހާބު ވެފައި ތިބި ހުރިހާ ބޭފުޅުން، އެއްވެސް ބޭފުޅަކު މީގައި އިސްތިސްނާ ނުވާ ގޮތައް އަޅުގަނޑުމެން މި ކުރިއަށް ގެންދާ ހުރިހާ ކަމެއްގައި ފުރަތަމަ މިސާލު ދައްކަވައިގެން އަޅުގަނޑުމެން ބައިވެރިވާން." މުޢިިއްޒު ވިދާޅުވިއެވެ. 

ނީގެ އިތުރުން، ރައީސް ޔާމީން އަށް ނުހައްގުން ކޮށްފައިވާ ހަރާމް ހުކުމުގެ ސަބަބުން، އެމަނިކުފާނު ގިނިކަންޏާ ޖަލުގައި އޮންނަ އޮތުން އެއްގޮތަކަށްވެސް ބަލައިގަނެވިގެން ނުވާނެކަން ފާހަގަކުރައްވައި މުއިއްޒު ވިދާޅުވީ، އެމަނިކުފާނު ޖަލުގައި ވަނިކޮށް، އިދިކޮޅު ކޯލިޝަނުން އަރާމުގައި ގޭގައި ތިބެގެން ނުވާނެ ކަމަށެވެ. 

އެހެންކަމުން އެއްވެސް ބޭފުޅަކު އިސްތިސްނާ ނުވާ ގޮތައް ހުރިހާ ބޭފުޅުން ވެސް، ކޮންމެ ދުވަހަކު ރައީސް ޔާމީން މިނިވަން ކުރުމަށް އިދިކޮޅުން ފަށާފައިވާ މަސައްކަތުގައި ބައިވެރިވުމަށް މުއިއްޒު ވަނީ އެދިވަޑައިގެންފަ އެވެ.