މާލެ ސިޓީ ގޭގެއިން ކުނި ނެގުމުގެ މައްސަލާގައި ވެމްކޯއާއި އެންވަޔަރަމެންޓް މިނިސްޓްރީން ކިތަންމެ ދޮގެއް ހެދި ނަމަވެސް، ހަގީގަތް ވަރަށް ސާފު ކަމަށް މާލެސިޓީ ކައުންސިލްގެ މޭޔަރު ޑރ. މުހައްމަދު މުއިއްޒު ވިދާޅުވެއްޖެއެވެ. 

ވެމްކޯއިން ގޭބީސީތަކުން ކޮތަޅުތަކަށް އަޅައިގެން ނެރޭ ކުނި ވެމްކޯއިން ނުނަގާ މައްސަލަ ފެންމަތި ވުނާއި ގުޅިގެން އާއްމުންގެ ޝަކުވާ އާއި ސިޓީ ކައުންސިލްގެ ނުރުހުން އަމާޒުވުމާއި ގުޅިގެން އެ ކުންފުނިން އިއްޔެ ބޭއްވި ނޫސްވެރިންގެ ބައްދަލުވުމުގައި ބުނީ، އެ ކުންފުނިން ކުނި ނުނަގަނީ ކުނި ނެގުމަށް ރެޖިސްޓާ ނުކުރާ ގޭގެއިން ކަމަށެވެ. 

އެހެން ނަމަވެސް، ކުނި ނެގުމަށް ވެމްކޯ ގައި ރެޖިސްޓާ ކޮށް، އެކަމަށް ދައްކަން ޖެހޭ ފީ ދައްކާ މީހުންގެ ކުނިވެސް ނުނަގާ ކަމަށް ބައެއް ފަރާތްތަކުން ބުނުމާއި ގުޅިގެން މުޢިއްޒު ކުރެއްވި ޓްވީޓެއްގައި ވިދާޅުވީ، މިއަދު ހެނދުނު ދިމާވި އެތައް ބަޔަކު، އެގޭގެއިން ވެމްކޯއަށް ފައިސާ ދައްކާފައިވާ އިރު ވެސް ކުނި ނުގެންދާ ކަމަށް ބުނެފައިވާ ކަމަށެވެ.

Advertisement

"ތިމަންނަމެން ވެމްކޯއަށް ފައިސާ ދައްކަމޭ، ގޭ ދޮރުމަތީގައި ބަހައްޓާށޭ ބުނެފައި އޮންނަނީ. އެކަމަކު މިހާރު އެ ކުނި ނުގެންދެޔޭ. ވެމްކޯގެ ވެރިންނާއި އެންވަޔަރަމެންޓް މިނިސްޓްރީގެ ވެރިން ކިތަންމެ ވަރަށް ދޮގު ހެދިޔަސް ހަގީގަތް ސާފު" ޑރ. މުޢިއްޒު ވިދާޅުވިއެވެ. 

ވެމްކޯއިން އިއްޔެ ބުނެފައިވާ ގޮތުގައި މަގު މަތީގައި ގޭގެއިން ބަހައްޓާފައި ހުންނަ ކުނި ވެމްކޯއިން ނަގަމުންދިޔައީ މަގު މަތި ސާފު ކުރުމަށް ސިޓީ ކައުންސިލުން ވެމްކޯއާއި ހަވާލު ކޮށްފައިވާތީ ކަމަށާ، އެކަން ދެން ކުރާނީ ސިޓީ ކައުންސިލުން އެކަން ހަވާލުކުރީމައެވެ.