ދިވެހިރާއްޖޭގައި އެއްވެސް ބިރެއް ނެތި އެމީހެއްގެ ސިޔާސީ ފިކުރު ކުރިއެރުވުމަށް ފުރުސަތު ލިބުނީ ރައީސް އިބްރާހިމް މުހައްމަދު ޞާލިހު ގެ ވެރިކަމުގައި ކަމަށް ރައްޔިތުންގެ މަޖިލިހުގެ ކެލާ ދާއިރާގެ މެމްބަރު އިބްރާހިމް ޝަރީފް ވިދާޅުވެއްޖެއެވެ.
ކެލާ ޝަރީފް ކުރެއްވި ޓްވީޓެއްގައި ވިދާޅުވީ، މިރާއްޖޭގައި ބިރުވެރިކަމެއްނެތި އެބޭފުޅެއްގެ ސިޔާސީ ފިކުރަކަށް ތާއިދުކޮށް ކުރިއެރުވުމަށް ހަމައެކަނި ފުރުސަތު ލިބުނީ ރައީސް ސޯލިހުގެ ވެރިކަމުގައި ކަމަށެވެ.
"ހަމަހަމަކަމާއި ހިކުމަތްތެރި ކަމާއެކު އެންމެނީް ގުޅިގެން ކަންކަން ކުރުމަކީ ރައީސްގެ އެންމެ ކަމުދާ ސިފަ" ޝަރީފްގެ ވިދާޅުވިއެވެ.
މިމަހު 28 ވަނަ ދުވަހު ބާއްވާ އެމްޑީޕީގެ ރިޔާސީ ޕްރައިމަރީގައި، ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހާއި، އެމްޑީޕީގެ ރައީސް މުހައްމަދު ނަޝީދު ވާދަކުރައްވާއިރު، ކެލާ ޝަރީފް ތާއީދު ކުރައްވަނީ ރައީސް ޞާލިހަށެވެ.
އެގޮތުން، ރައީސް ޞާލިހަށް ތާއިދު ކުރައްވައި މީސްމީޑިއާގައި ޝަރީފް ވާހަކަދައްކަވަމުންދާއިރު، އޭނާ އަންނަނީ ރައީސް ނަޝީދު އެމަނިކުފާނުގެ ކެމްޕެއިން ތެރޭއިން ދައްކަވާ ވާހަކަ ތަކަށް ރައްދުވެސް ދެއްވަމުންނެވެ.
Advertisement
This content is created and paid for by advertisers and does not involve Voice Journalists
