އިދިކޮޅު މުވައްޒަފުން މަގާމުތަކުގައި ބައިތިއްބައިގެން ވެރިކަން ކުރައްވަންވީ ގޮތް ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު ދެނިވަޑައިގަންނަވާ ކަމަށް މަޖިލީހުގެ ކެލާ ދާއިރާގެ މެމްބަރު އިބްރާހިމް ޝަފީރު(ކެލާ އިބުރޭ) ވިދާޅުވެއްޖެއެވެ.
ޝަރީފް މިފަދައިން ވިދާޅުވެފައިވަނީ ރައީސް ސޯލިހަށް ދެވަނަ ދައުރެއް ހޯދާދިނުމަށް ކުރިއަށް އޮތް އެމްޑީޕީގެ ރިޔާސީ ޕްރައިމަރީގައި އެމަނިކުފާނަށް ވޯޓުދެއްވަން ޖެހޭކަން ބަޔާންކުރައްވާ ކުރެއްވި ޓްވީޓެއްގައެވެ.
ޝަރީފް ވިދާޅުވީ ރައީސް ސޯލިހަކީ ގުޅިގެން މަސައްކަތް ކުރައްވަން އެނގިވަޑައިގަންނަވާ ބޭފުޅެއްކަމަށެވެ. ސިޔާސީ ފިކުރަކަށް ބެއްލެވުމެއްނެތި އެމަނިކުފާނާއި ދެކޮޅު މުވައްޒަފުންނަށްވެސް އެކި ވަޒީފާތައް ދެއްވާފައިވާއިރު އެންމެންނާއި ގުޅިގެން ވެރިކަން ކުރަންވީ ގޮތް އެނގިވަޑައިގަންނަވާކަމަށް ޝަރީފް ވިދާޅުވިއެވެ.
އޭގެ އިތުުރުން ކޯލިޝަން ދަމަހައްޓަން އެނގިވަޑައިގެންނެވި ހަމައެކަނި ލީޑަރަކީވެސް ރައީސް ސޯލަހުކަމަށް ޝަރީފް ވިދާޅުވިއެވެ.
"ރާއްޖޭގެ ތަަރީޙުގައި މުޅިރައްޔިތުން ބައިވެރި ކޮށްގެން ކޯލިޝަނަކާއެކު، ވެރިކަން ކޮށްދެއްވި ހަމައެކަނި ރައީސް އަކީ ރައީސް ސޯލިހު. އިދިކޮޅު ސިޔާސީވެެރިންނާ، ހިޔާލުތަފާތު އެކުވެރިންނާއި، އިދިކޮޅު މުވައްޒަފުން މަގާމް ތަކުގަ ބައިތިއްބައިގެން ވެރިކަން ކުރަން އެގުނު ވެރިޔަކީވެސް ރައީސް ސޯލިހު"
ކެލާ ދާއިރާގެ މެމްބަރު ޝަރީފް
މި މަހުގެ 28 ވަނަ ދުވަހު އެމްޑީޕީގެ ޕްރައިމަރީ ބާއްވާއިރު، މި އިންތިޚާބުގައި އެމްޑީޕީގެ ދެ ރައީސުން ވާދަކުރައްވާނެއެވެ.
ފޯރި ގަދަ ކެމްޕޭނެއް ކުރިއަށް ދާއިރު، މި އިންތިޚާބު ބޮޑުތަނުން ކާމިޔާބު ކުރައްވާނެކަމަށް ރައީސް ސޯލިހުވަނީ ވިދާޅުވެފައެވެ. އަދި އެމަނިކުފާނުގެ ތަރައްގީ ރައްޔިތުން ގަބޫލުކުރާކަމަށް ރައީސް ސޯލިހު ވަނީ ވިދާޅުވެފައެވެ.
Advertisement
This content is created and paid for by advertisers and does not involve Voice Journalists
