އެމްޑީޕީގެ ރިޔާސީ ޕްރައިމަރީގައި ރައީސް އިބްރާހިމް މުހައްމަދު ސޯލިހުގެ ކެމްޕެއިން ސްޕޯކްސްޕަރސަން އަކަށް ޑިފެންސް މިނިސްޓަރ މާރިޔާ ދީދީ ހަމަޖައްސަވައިފިއެވެ.
ދެވަނަ ދައުރެއް ހޯއްދެވުމަށް އެމްޑީޕީގެ ރިޔާސީ ޕްރައިމަރީގައި ވާދަކުރައްވާނެކަން ރައީސް ސޯލިހު ވަނީ އިއުލާނު ކުރައްވާފައެވެ. އަދި އެކަމަށްޓަކައި ވާން ޖެހޭ ހުރިހާ ތައްޔާރީތައް އެމަނިކުފާނު ދަނީ ވަމުންނެވެ. އެގޮތުން ކެޕްމޭން މެނޭޖަރެއްވެސް ވަނީ އައްޔަން ކުރައްވާފައެވެ.
ރައީސް ޞާލިހުގެ ކެމްޕެއިން މެނޭޖަރަކީ ކިނބިދޫ ދާއިރާގެ މެންބަރު މުޙައްމަދު ނާޝިޒްއެވެ. އަދި ސްޕޯކްސްޕަރސަން އަކަށް މާރިޔާ ހަމަޖެއްސެވިކަން އިއުލާނު ކުރެއްވީ ނާޝިޒް ކުރެއްވި ޓުވީޓެއްގައެވެ.
އެމްޑީޕީގެ ރިޔާސީގެ ޕްރައިމަރީގައި ކާމިޔާބު ކުރެއްވުމަށް ރައީސް ސޯލިހު ވަނީ ކެމްޕެއިން އޮފީހެއްވެސް ހުޅުވާފައެވެ. އެމަނިކުފާނުގެ އޮފީސް ހުޅުވާފައިވަނީ ސޯލްޓް ކެފޭގައެވެ.
އެމްޑީޕީގެ ރިޔާސީ ޕްރައިމަރީއަށް ރައީސް ސޯލިހު ތައްޔާރުވާން ފައްޓަވާފައިވާއިރު، މި އިންތިޚާބުގައި ރައީސް ސޯލިހާއި ވާދަކުރައްވަން ނިކުންނަވާނީ، މަޖިލީހުގެ ރައީސް އަދި ކުރީގެ ރައީސް މުހައްމަދު ނަޝީދެވެ.
Advertisement
This content is created and paid for by advertisers and does not involve Voice Journalists
