Advertisement

ރިޔާސީ ކެމްޕޭނަށް އަންނާނީ ވެލިދޫ ޖޫނިއާ ކޮލެޖުގެ މަސައްކަތް ފަށާފައި: ރައީސް ޞާހިލު

08 Jan 2023 | 10:42
ރައީސް ސޯލިހު މީދޫގައި އޮތް ޖަލްސާގައި ވާހަކަދައްކަވަނީ/ ފޮޓޯ: ވޮއިސް

ކުރިއަށް އޮތް ރިޔާސީ އިންތިޚާބުގެ ކެމްޕޭނަށް ވަޑައިގެންނެވުމުގެ ކުރިން ނ ވެލިދޫ ޖޫނިއާ ކޮލެޓުގެ އަމަލީ މަސައްކަތް ފައްޓަވާދެއްވާނެކަމުގެ ޔަގީންކަން ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހު ވިދާޅުވެއްޖެ އެވެ. 

އެމަނިކުފާނު މިފަދައިން ވިދާޅުވެފައިވަނީ ނ ވެލިދޫގައި އޮތް އެމަނިކުފާނުގެ ކެމްޕޭނު ޖަލްސާއެއްގައި ވާހަކަދައްކަވަމުން ނެވެ. 

ރައީސް ސޯލިހު ވިދާޅުވީ ވެލިދޫ ޖޫނިއާ ކޮލެޖު ހެދުމަށް ބަޖެޓުގައިވެސް ހިމަނާފައިވާކަމަށެވެ. އަދި ކޮލެޖުގެ އަމަލީ މަސައްކަތް ވަރަށް އަވަހަށް ފެށިގެންދާނެކަމަށް އެމަނިކުފާނު ވިދާޅުވިއެވެ. 

Advertisement

"މި ރަށުގައި ޓާޝަރީ ހޮސްޕިޓަލެއް ހެދުމާއި ޖޫނިއާ ކޮލެޖު ގާއިމްކުރުމަކީ އަޅުގަނޑުމެން ވީ ވައުދެއް. އެގޮތަށް ޖޫނިއާ ކޮލެޖު މި ރަށުގައި އެޅުމަށް މިއަހަރުގެ ބަޖެޓުގައި ބަޖެޓުކުރެވި، އިރާދަކުރެއްވިއްޔާ ކުރިއަށް މި އޮތް ރިޔާސީ އިންތިޚާބުގެ ކެމްޕޭނުގައި އަޅުގަނޑު މި ރަށަށް އަންނަ އިރުގައި އެކަމުގެ އަމަލީ މަސައްކަތް މިރަށުގައި ފެށިފައި ހުންނާނެކަމުގެ ޔަގީންކަން އަޅުގަނޑު ތިޔަ ރައްޔިތުންނަށް އަރުވަން"

ރައީސް ޞާލިހު

ވެލިދޫގެ އިތުރުން އެ އަތޮޅުގެ މަނަދޫ އާއި ހއ. އިހަވަންދޫގައި ގާއިމު ކުރާ ހޮސްޕިޓަލުުގެ މަސައްކަތްވެސް ކުރިއަށް އޮތް ދެ ހަފުތާއެއްހާ ދުވަހުގެ ތެރޭގައި ބަޔަކާ ހަވާލު ކުރެވޭނެ ކަމަށް ރައީސް ވިދާޅުވިއެވެ.

ވެލިދޫގައި މިހާރުވެސް މަގު ހެދުމުގެ މަސައްކަތް ކުރިއަށްދާކަން ފާހަގަކުރައްވައި ރައީސް ވިދާޅުވީ އެ މަގުތަކުގެ މަސައްކަތް ނިމުމުން ބާކީހުރި މަގުތައް ހަދައިދިނުމަށް ކައުންސިލުން އެދިފައިވާ ކަމަށެވެ. އެހެންކަމުން ރައްޔިތުންނާއި ކައުންސިލުން އެދޭގޮތަށް އެމަސައްކަތް ވެސް ކުރިއަށްދާނެ ކަމަށް ރައީސް ވިދާޅުވިއެވެ.

މީގެ އިތުރުން އެ ރަށުގައި އައު އިންޖީނުގެ އެޅުމުގެ މަސައްކަތް ވެސް ފަށާފައިވާ ކަމަށާއި ރައްޔިތުންނަށް ބޭނުންވެފައިވާ ޕިކްނިކް އައިލެންޑުވެސް ހައްދަވާދެއްވާނެކަމަށް ރައީސް ޞާލިހު ވިދާޅުވިއެވެ. 

Advertisement

ކޮމެންޓް

Advertisement

Advertisement