މާލޭ ނީލަން ފިހާރާގައި މިއަދު ހިނގި އަލިފާނުގެ ހާދިސާއާ ގުޅިގެން އިއްޒުއްދީން ސުކޫލާއި އިމާދުއްދީން ސްކޫލުގެ ކިޔެވުން މިއަދު ނޯންނާނެ ކަމަށް އެޑިއުކޭޝަން މިނިސްޓްރީން ބުނެފި އެވެ.
މިއަދު ފަތިހު ގާތްގަނޑަކަށް 5:45 ހާއިރު ނީލަން ފިހާރާގައި ހިނގި އަލިފާނުގެ ހާދިސާގައި އެ ސަރަހައްދުގައި ހުރި ދެ އެކޮމޮޑޭޝަން ބްލޮކެއް ވަނީ އަނދާފައެވެ. އެ އަލިފާންގަނޑު މިހާރު ކޮންޓްރޯލް ކުރެވިފައިވީ ނަމަވެސް ފުލުހުންނާއި އެމްއެންޑީއެފުން އަންނަނީ އެ ސަރަހައްދުގައި ހަރަކާތްތެރިވަމުންނެވެ.
މިކަމާއި ގުޅިގެން އެޑިއުކޭޝަން މިނިސްޓްރީން ބުނީ، މި އަލިފާނުގެ ހާދިސާ އާއި ގުޅިގެން އިމާދުއްދީން ސްކޫލާއި އިއްޒުއްދީން ސުކޫލުގެ ކިޔެވުން މިއަދު ނޯންނާނެ ކަމަށެވެ. އަދި މިވަގުތު އިމާދުއްދީން ސްކޫލް ބޭނުން ކުރެވެމުންދަނީ މާލެ ސިޓީ ކައުންސިލްގެ އެކޮމޮޑޭޝަން ގައި ތިބި މީހުންގެ ވަގުތީ ހިޔާ ގެ ގޮތުގައި ކަމަށެވެ.
މިއަދުގެ އަލިފާނުގެ ހާދިސާއާއި ގުޅިގެން މާލޭ ސިޓީ ކައުންސިލްގެ 166 ބިދޭސީ މުވައްޒަފުން ވަނީ އިމާދުއްދީން ސުކޫލުގައި ގާއިމްކޮށްފައިވާ ވަގުތީ ހިޔާ އަށް ބަދަލުކޮށްފައެވެ. އަދި އެ މުވައްޒަފުންނަށް ބޭނުންވާ ކަންކަން ފުރިހަމަކޮށްދިނުމުގެ މަސައްކަތް މާލޭ ސިޓީ ކައުންސިލުން ގެންދަނީ ކުރަމުންނެވެ.
Advertisement
This content is created and paid for by advertisers and does not involve Voice Journalists
