ސަރުކާރެއް އެކުލަވާލެވޭނީ ކޯލިޝަނަކުން ކަމަށް ރައީސުލް ޖުމްހޫރިއްޔާ އިބްރާހިމް މުހައްމަދު ޞާލިހު ވިދާޅުވެއްޖެއެވެ.
އެމަނިކުފާނު މިހެން ވިދާޅުވީ، ރިޔާސީ ޕްރައިމަރީ ކެންޕެއިން ޖަލްސާގައި ވާހަކަ ދައްކަވަމުންނެވެ.
ރައީސް ވިދާޅުވީ، ރިޔާސީ ކެމްޕެއިންއަށް ނުކުމެ ހުންނެވީ، ވެވަޑައިގެންފައިވާ ވައުދުތައް ފުއްދުމުގައި ކުރިއަށް ދާން ކަމަށެވެ. އަދި މިކަމުގައި ކުރިއަށް ދެވޭނެ ގޮތް ވަރަށް ސާފުކޮށް އެނގިލައްޔާ ކަމަށާއި، އެއީ ވެރިކަމުގާ ތިބުން ކަމަށެވެ.
"ވެރިކަމަށް އާދެވެން އޮތް ގޮތްވެސް އަޅުގަނޑުމެންނަށް ވަރަށް ސާފުކޮށް މިހާރު އެނބަ އެނގޭ. އަޅުގަނޑު ތަކުރާރުކޮށް ބުނަމުން މި އަންނަނީ ރާއްޖޭގެ ވެރިކަަމަށް އާދެވޭނީ ތަފާތު ފިކުރު އެކުލެވޭ، ގިނަ ބަޔަކު ހިމެނޭ ސަރުކާރެއް އެކުލަވާލައިގެން،" ރައީސް ވިދާޅުވިއެވެ.
ކޯލިޝަން ސަރުކާރުން ވެރިކަމަށް އައުުމަކީ ރާއްޖޭގެ ސިޔާސީ މަޝްހަރު މިހާރު އޮތް ގޮތް ކަމަށާއި އެމަނިކުފާނުގެ ވާދަވެރި ކެނޑިޑޭޓް އެކަން ކުރިން ގަބޫލު ނުކުރައްވާ ކަމަށް ރައީސް ވިދާޅުވިއެވެ.
"މަސައްކަތް ކުރައްވަމުން ގެންދެވީ އެކަނިމާއެކަނި ނިކުމެވަޑައިގެން، އިންތިޚާބު ކާމިޔާބު ކުރެއްވުމަށް. އެހެން ނަަމަވެސް މިއަދު އެއީ އެކަން އެހެން ކުރެވެން އޮތް ކަމެއް ނޫން ކަމަށް އެ ގަބޫލު ކުރައްވަނީ. މިއަދު ވިދާޅުވީ ކޯލިޝަނެއް ހަދާ ވާހަކަ. ސަރުކާރެއް އެކުލަވާލެވޭނީ ކޯލިޝަނަކުން،" ރައީސް ވިދާޅުވިއެވެ.
ކޯލިޝަނެއް ހެދެނީ އެކަނި ނޫން ކަމަށާއި އެއީ ގިނަ ޕާޓީތައް ބައިވެރިވެގެން ކުރާކަމެއްކަން ފާހަގަ ކުރައްވަމުން ރައީސް ވިދާޅުވީ، ކޯލިޝަން ސަރުކާރެއް ގެންގުޅެވެނީ ކާކަށްތޯ ބަލަން ޖެހޭ ކަމަށެވެ.
"ތިބޭފުޅުން ބައްލަވަންވީ އެކަން ކުރެވެނީ ކާކަށް ކަން. އަދި ކޯލިޝަނެއް ހެދިޔަސް އެ އެބަ ދަމަހައްޓަން ޖެހޭ. އެ ނުދަމަހައްޓައެއް އަޅުގަނޑުމެން މިވީ ވައުދުތަކެއް ނުފުއްދޭނެ" ރައީސް ޞާލިހު ވިދާޅުވިއެވެ.
މީގެ އިތުރުން ރައީސް ވިދާޅުވީ، 2018 ވަނަ އަހަރު ރައްޔިތުން އެމަނިކުފާނާ ހަވާލު ކުރެއްވީ ކޯލިޝަން ސަރުކާރެއް ކަމަށާއި އެއީ ރައްޔިތުން އެދުނުގޮތް ކަމަށެވެ. ކޯލިޝަން ސަރުކާރަށް ހަތަރު އަހަރު ފާއިތުވެގެން ގޮސްފައި ވާކަން ފާހަގަ ކުރައްވައި ރައީސް ވިދާޅުވީ، މި ދައުރު ނިންމަވާނީވެސް ކޯލިޝަން ސަރުކާރާ އެކީގައި ކަމަށެވެ.
Advertisement
This content is created and paid for by advertisers and does not involve Voice Journalists
