ކުރިއަށް އެމްޑީޕީ ރިޔާސީ ޕްރައިމަރީގެ ކެމްޕެއިނަށް ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހު، މާލޭގައި ދޮރުން ދޮރަށް ކެމްޕޭން އަށް މިއަދު ހިންގަވާނެ ކަމަށް އެމަނިކުފާނުގެ ކެންޕެއިން ޓީމުން ބުނެފިއެވެ.
މިއަދު ހަވީރު 4 ޖަހާއިރު، ރައީސް ޞާލިހު އިސްކޮށް ހުންނަވައި މާފަންނު އުތުރުގެ ދޮރުން ދޮރަށް ކެންޕެއިން އަށް ހިންގަވާއިރު، މި ކެންޕެއިން ފައްޓަވާނީ ފަރީދީ މަގުގައި ހުންނަ އަހިގަސްދޮށުގެއިންނެވެ.
މިމަހު 28 ވަނަ ދުވަހު ބާއްވާ އެމްޑީޕީގެ ރިޔާސީ ޕްރައިމަރީއަށް ކެންޕެއިން ކުރުމަށް ރައީސް ޞާލިހާއި, އެމަނިކުފާނާއި ވާދަކުރައްވާ އެމްޑީޕީގެ ރައީސް މުހައްމަދު ނަޝީދު ވެސް އަންނަނީ ގިނަ ހަރަކާތް ތަކެއް މާލެ އާއި އަތޮޅު ތެރޭގައި ހިންގަވަމުންނެވެ.
އެގޮތުން، ދާދިފަހުން، ރައީސް ޞާލިހު ވަނީ ރ، ޅ، ބ އަދި ނ އަތޮޅަށް ކެންޕެއިން ދަތުރު ކުރައްވާފައެވެ. މި ދަތުރުގައި އެ ރަށްރަށުގެ އެމްޑީޕީ މެންބަރުންނާއި ބައްދަލު ކުރައްވާފައިވާއިރު, ކެންޕެއިން ޖަލްސާ ތައްވެސް ވަނީ ބާއްވައިފައެވެ.
އެމްޑީޕީގެ ރިޔާސީ ޕްރައިމަރީގެ އިންތިޚާބަށް ވަގުތު ކުޑަތަންވަމުން އަންނައިރު، މި އިންތިޚާބަކީ ފޯރިގަދަ އިންތިޚާބަކަށް ވާނެއެވެ. އަދި ޕާޓީގެ ކުރިމަގު ބިނާ ކުރާނެ އިންތިޚާބަކަށް ވެގެންދާނެކަމަށް ސިޔާސީ މަޝްރަހު ދިރާސާކުރައްވާ ބޭބޭފުޅުން ގެންދަވަނީ އަންދާޒާކުރައްވަމުން ނެވެ.
Advertisement
This content is created and paid for by advertisers and does not involve Voice Journalists
