އެމްޑީޕީގެ އެންމެ ފުރަތަމަ ވެރިކަމަށް އައިސްވެސް ކުރީ މުޒާހިރާ ކަމަށާއި އެހެންނަމަވެސް ދެން އެދުވަސް އިއާދަވާން ނޭދޭ ކަމުގައި ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު ވިދާޅުވެއްޖެއެވެ.
އެމްޑީޕީގެ ރިޔާސީ ޕްރައިމަރީގެ ކެމްޕޭންގައި، އެޕާޓީގެ މާލޭ ދާއިރާގެ މެމްބަރުންނާއި ކެމްޕޭން ޓީމުތަކާއި ބައްދަލުކުރުމަށް ރޭ ދަރުބާރުގޭގައި އޮތް ބައްދަލުވުމުގައި ވާހަކަ ދައްކަވަމުން ރައީސް ސާލިހު ވިދާޅުވީ ޚިޔާލު ފާޅުކުރުމަކީ ގާނޫނު އަސާސީން ލިބިދީފައިވާ އޮތް ހައްގެއް ކަމަށާއި، އެހެންނަމަވެސް އެކަމުވެސް ކޮންމެވެސް ހަމަޔަކާއި އުސޫލެއް އޮންނާން ޖެހޭ ކަމުގައެވެ.
"އެހެންނަމަވެސް އަޅުގަނޑުމެންގެ އެ ދުވަހުގެ ހާލަތަކީ ވެރިކަމުގައި ތިބިއިރު ވެސް މުޒާހަރާ، އިދިކޮޅުގައި ތިބިއިރު ވެސް މުޒާހަރާ. ކޮންމެވެސް ހަމައެއް އޮންނަން ޖެހޭނެ ނޫންތޯ. ކޮންމެވެސް އުސޫލެއް އޮންނަން ޖެހޭނެ ނޫންތޯ. އަޅުގަނޑަކަށް ނުފެނޭ ވެރިކަމުގައި ތިބެގެން މުޒާހަރާ ކުރަންޖެހޭ ސަބަބެއް. ސަރުކާރު ބަދަލުވީމާ އަޑު އުފުލެން އޮތް ގޮތަކަށް އުފުލާނީ. މިއަދު އަޅުގަނޑުމެން ވިސްނަންވީ އެ ދުވަހަށް އެނބުރި ދާންވީތޯ. މިއީ އަޅުގަނޑުމެންގެ ކުރިމަތީގައި އޮތް ސުވާލެއް." ރައީސް ޞާލިހު ވިދާޅުވިއެވެ.
މިއާއެކު ރައީސް ޞާލިހު ގެ މި ވެރިކަމުގައި ގައުމަށް ހަމަޖެހުން ގެނެވިފައި ވާކަން ފާހަގަކުރައްވައި އެމަނިކުފާނުގެ ވެރިކަމުގެ ފާއިތުވި 4 އަހަރާއި އޭގެ ކުރިން ރާއްޖޭގަ އޮތް ހާލަތާއި އަމިއްލައަަށް ވަޒަން ކޮށްލުމަށް ރައީސް ވަނީ އެދިވަޑައިގެންފަ އެވެ.
"އަމިއްލަ އަށް ވިސްނަވާ މިކަންތައްތަކާއި ދޭތެރޭ. ވެރިކަމަށް ގޮސް މުޒާހަރާ ކުރާނީތޯ މަގުމަތީގައި ތިބެގެން މުޒާހަރާ ކުރާނީތޯ ނޫނިއްޔާ މިގޮތަށް ހަމަޖެހިގެން އަޅުގަނޑުމެންގެ އާއްމު ދިރިއުޅުމައިގެން އާއިލާތަކުގައި ކުރިޔަށް ދާނީތޯ." ރައީސް ސާލިހު ވިދާޅުވިއެވެ.
ރައީސް ސާލިހު އިތުރަށް ވިދާޅުވީ މިހާރު ކުރިޔަށްދާ ޕްރައިމަރީ ލގެ ކެންޕެއިންގެ ތެރެއިން ދިނާވާ މީހުންނާއި ބައްދަލުވުމުންވެސް އެނގިގެން ދިޔައީ ރާއްޖެ ކުރީ އޮތް ހަކަތަށް އިއާދަކުރަން ބޭނުންނުވާ އެތައް ރައްޔިތުންނެއް މިއަދު ތިބިކަން ކަމަށެވެ.
Advertisement
This content is created and paid for by advertisers and does not involve Voice Journalists
