ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހުގެ މި ވެރިކަމަކީ އެތައް އަހަރެއްގެ ޖިހާދަކުން ގެނެވުނު ވެރިކަމެއް ކަމަށް ރައްޔިތުންގެ މަޖިލީހުގެ ފޭދޫ ދާއިރާގެ މެންބަރު މުހައްމަދު ނިހާދު ވިދާޅުވެއްޖެއެވެ.
ނިހާދު އަކީ އެމްޑީޕީ ރިޔާސީ ޕްރައިމަރީގައި ރައީސް ޞާލިހަށް ވަރަށް ބޮޑަށް ތާއީދު ކުރައްވާ މެންބަރެކެވެ. އަދި އެމަނިކުފާނަށް ދެވަނަ ދައުރެއް ދޭންޖެހޭ ކަމަށް އެކިފަހަރު މަތިން އޭނާ ވަނީ ވިދާޅުވެފައެވެ.
އެގޮތުން، ރައީސް ޞާލިހަށް ތާއީދު ކުރައްވައި ނިހާދު ކުރެއްވި ޓްވީޓެއްގައި ވިދާޅުވީ، ރައީސް ޞާލިހުގެ މި ވެރިކަން ވައްޓާލައިފިނަމަ ދެން ދެން އަވަސް ފުރުޞަތެއްގައި އެމްޑީޕީއަށް ވެރިކަން ނުލިބޭނެ ކަމަށެވެ.
"އެތައް އަހަރެއް ވަންދެން ކުރެވުނު ޖިހާދަކުން ގެނެވުނު ވެރިކަން ވައްޓާލުމަށް މަސައްކަތް ކުރުމަކީ ވަރަށް ޚުދުމުހުތާރު ޢަމަލެއް. އެއީ ރައްޔިތުންނަށް ޣައްދާރުވުން. ވެރިކަން ދިފާއުކުރުން ލާޒިމް." ނިހާދު ވިދާޅުވި އެވެ.
ނިހާދު މިފަދައިން ވިދާޅުވެފައި ވާއިރު، އަންނަ ރިޔާސީ އިންތިހާބު ރައީސް ޞާލިހަށް، އެމްޑީޕީއަށް ކާމިޔާބުކޮށް ނުދެއްވޭނެ ކަމަށް ޕްރައިމަރީ ގައި ރައީސް ޞާލިހާއި ވާދަކުރައްވާ ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވަނީ ވިދާޅުވެފައެވެ.
އަދި ރައީސް ޞާލިހު ވެރިކަމަށް ގެނައުމަށް އެދުނީވެސް ރައީސް ނަޝީދު ކަމަށާ، ރައީސް ޞާލިހް ވެރިކަމުން ބާލަންވެސް އުޅޭނީ ނަޝީދު ކަމަށް އެމަނިކުފާނު ވިދާޅުވިއެވެ.
""ރައީސް ޞާލިހް ވެރިކަމަށް ގެންނަން ބުނީ އަޅުގަނޑު ދެން ރައީސް ޞާލިހު ވެރިކަމުން ބާލަންވެސް ހަމައުޅޭނީ އަޅުގަނޑު. އަޅުގަނޑު އެކަން ކުރާނަން،" ނަޝީދު ވިދާޅުވިއެވެ.
Advertisement
This content is created and paid for by advertisers and does not involve Voice Journalists
