އައިޖީއެމްއެޗްގެ ބޭސް ސިޓީތައް އާ ކުރަން ބޭނުންވާ މީހުންނަށް ފަސޭހަ މަގެއް އެ ހޮސްޕިޓަލުން ހުޅުވާލައިފިއެވެ.
އައިޖީއެމްއެޗް އިން ބުނީ އެތަނުގެ އިންފޮމޭޝަން ކައުންޓަރުގައި ހުންނަ "ޑްރޮޕް ބޮކްސް" އަށް ބޭސް ސިޓީ ލުމުން، ޖެހިގެން އަންނަ ދުވަހު އާ ބޭސް ސިޓީ ލިބޭނެ ކަމަށެވެ.
އަދި މި ޑްރޮޕް ބޮކްސް ގެ ޚިދުމަތް ހުކުރު ދުވަހާއި ރަސްމީ ބަންދު ދުވަސްތައް ފިޔަވައި ކޮންމެ ދުވަހަކު ހެނދުނު 9:00 އިން މެންދުރު ފަހު 3:00 އަށް ކިބެން ހުންނާނެ ކަމަށާ އާ ބޭސް ސިޓީ ދޫކުރާނީ ހެނދުނު 10:00 އިން މެންދުރު ފަހު 2:00 އަށް ކަމަށްވެސް އެ ހޮސްޕިޓަލުން ބުނެފައިވެއެވެ.
މީގެ އިތުރުން އައިޖީއެމްއެޗް އިން ބުނީ، އާ ބޭސް ސިޓީއާ ހަވާލުވާން، ޖެހިގެން އަންނަ ދުވަހު، ބަލި މީހާއަށް ނުވަތަ އެހީތެރިންނަށް ގުޅާނެއެވެ.
މީގެކުރިން ބޭސް ސިޓީ އާ ކުރެވޭނީ އެޕޮއިންޓްމަންޓް ހައްދައި ޑޮކްޓަރަށް ދައްކައިގެންނެވެ. ޑޮކްޓަރަށް ދެއްކުމަށް ބައެއް ފަހަރު ގިނަ ދުވަސްތަކެއް ހޭދަވާތީ އާންމުންގެ ޝަކުވާ ބޮޑުވެފައިވާއިރު, މި ޚިދުމަތާއި އެކު ބޮޑު ލުޔެއް ލިބިގެންދާނެއެވެ.
Advertisement
This content is created and paid for by advertisers and does not involve Voice Journalists
