އަހަރެމެންގެ އާއްމު ދިރިއުޅުމުގައި ބޭނުންކޮށް އުޅޭ ވަރަށް ގިނަ ތަކެތި އައު ކުރަންޖެހޭ މުއްދަތާއި އެކަންކަމާއި ގުޅޭ މުހިންމު މައުލޫމާތު ތަކެއް އެތެހަށީގެ ޚާއްސަ ޑޮކްޓަރު، ޑޮކްޓަރ މުހައްމަދު ޢަލީ ވިދާޅުވެދެއްވައިފިއެވެ. 

އާއްމު ދިރިއުޅުމުގައި އަހަރެމެންގެ ބަދިގޭގަޔާއި، ޒީނަތްތެރި ވުމަށާ، އަދި ސާފުތާހިރު ވުމަށާ، އަދި އެނޫންވެސް ބޭނުން ތަކަށް ގޭގައި އަބުދުވެސް ބޭނުން ކުރާ ބައެއް ސާމާނު ތަކަކީ ވަކި މުއްދަތެއްގެ ތެރޭގައި އައު ކުރަންޖެހޭ ތަކެއްޗެވެ. 

ކަން މިހެން ހުރި ނަމަވެސް، ފަރުވާ ކުޑަ ވުމުގެ ސަބަބުން، ނުވަތަ ނޭނގުމުގެ ސަބަބުން ނޫނީ އެ ނޫންވެސް ސަބަބަކާއިހުރެ ބައެއް ތަކެތި އައު ކުރަންޖެހޭ މުއްދަތު ތަކުގައި އައު ނުކުރެވި ހުންނަކަމީ ވަރަށް ގިނައިން ދިމާވާ ކަމެކެވެ. 

Advertisement

އޭގެ ނަތީޖާއެއްގެ ގޮތުން އަހަރެމެންގެ ސިއްހަތަށްވެސް ނޭދެވޭ އަސަރު ތަކެއް ކުރުވާނެ ކަމަށް ޑޮކްޓަރުންނާއި ކަމާއި ބެހޭ ތަޖުރިބާކާރުން ވިދާޅުވެއެވެ. 

އެގޮތުން، ދިވެހިރާއްޖޭ އެންމެ ފުންނާބު އުސް އެތެރެ ހަށީގެ އެއް ޑޮކްޓަރު ކަމުގައިވާ ޑރ. މުހައްމަދު ޢަލީ ވަނީ އާއްމު ދިރިއުޅުމުގައި އަހަރެމެން ބޭނުން ކުރާ ބައެއް ތަކެއްޗާއި އެތަކެތި އައު ކުރަންޖެހޭ މުއްދަތުގެ އިތުރުން އައު ނުކުރުމުން ކުރިމަތިވެދާނެ ބައެއް ކަންކަން ހިއްސާ ކުރައްވާފައެވެ. 

ޑރ. މުހައްމަދު ޢަލީ ފާހަގަކުރެއްވި ކަންކަމުގެ ތެރޭގައި

1) ގޭގައި ބޭނުން ކުރާ ސްޕޮންޖް ކޮންމެ ހަފްތާ އަކު ބަދަލު ކުރުން. 

2) އެންމެ މަދުވެގެން ކޮންމެ 2 އަހަރުން 1 ފަހަރު ބާލީސް ބަދަލު ކުރުން

3) ކޮންމެ 3 ނުވަތަ 4 މަހުން ދަތް އުނގުޅާ ބުރުސް ބަދަލު ކުރުން

4) ތަތް ނުލަވާ ތަވާ ނުވަތަ ތެލި ފަދަ ތަކެތީގައި ކޫރުން އެޅެން ފެށުމުން އެތަކެތި އައު ކުރުން

5) މޭކަޕް ސާމާނު މަދުވެގެން 6 މަހުން ބަދަލު ކުރުން

6) ހަފްތާއަކު 500 މިލިއަން ސެލް އަހަރެމެންގެ ހަށިގަނޑުން ނެއްޓޭއިރު، އަހަރެމެން ގިނަ ވަގުތު ހޭދަކުރާ، ގޮދަޑީގައި އަޅާ ބެޑް ޝީޓާއި ބާލިސް އުރަތައް ހަފްތާއަކު އެއްފަހަރު ހޫނުފެނުން ދޮވުން. 

7) ގައި ހިއްކާ ތުވާލި މަދުވެގެން ހަފްތާއަކު އެއްފަހަރު ދޮވުން. އަދި ދެ އަހަރުން އެއް އަހަރު ތުވާލި ބަދަލު ކުރުން.