އިންޑިއާގެ ބައެއްގެ ގޮތުގައި ރާއްޖެ އޮތުމަކީ ވަރަށް ބޮޑު އުފަލެއް ކަމުގައި ވިދާޅުވެ، ރާއްޖެ އަކީ އިންޑިޔާގެ ބައެއްގެ ގޮތުގައި ޑެޕިއުޓީ މިނިސްޓަރ އޮފް ޓްރާންސްޕޯޓް އެންޑް ސިވިލް އޭވިއޭޝަން ސައުދުالله އަހުމަދު ސިފަކުރައްވައިފިއެވެ. 

އިންޑިއާގެ ކުރިއަށްދިޔަ ކޮންފަރެންސްގައި އެގައުމަށް ކުރި ދަތުރުގައި 'ދަ ނިއު އިންޑިއަން' ނޫހަށް އިނގިރޭސިބަހުން ދެއްވި ބަސްދީގަތުމެއްގައި ސައުދުالله ވިދާޅުވީ، ދިވެހިރާއްޖެއަކީ މިނިވަން ގައުމެއްގެ ގޮތުގައި ކަނޑައެޅުނު ދުވަހުން ފެށިގެންވެސް އިންޑިޔާ އާއި ރާއްޖެ އަކީ އެއް އާއިލާއެއްގެ "މަންމަ އާއި ބައްޕަ" ފަދަ ދެ ގައުމު ކަމަށެވެ. އަދި ދެގައުމު ދެމެދުގައި އޮތް ގުޅުމާއި މެދު އޮތް ގުޅުމާއިމެދު ވަރަށް ބޮޑަށް ފަޚްރުވެރިވެވަޑައިގަންނަވާކަމަަށް އޭނާ ވިދާޅުވި އެވެ. 

މިއާއެކު ސައުދުالله ވަނީ، ތައުލީމީ ދާއިރާއާއި، ސިއްހީ ދާއިރާއާއި، އަދި އެނޫންވެސް ދާއިރާ ތަކުން އިންޑިޔާ އިން، ރާއްޖެއަށް ވެދެމުންދާ ތައް އެހީތައް ފާހަގަކުރައްވައި، އިންޑިޔާގެ ބައެއްގެ ގޮތުގައި ރާއްޖެ އޮތް ކަމީ ވަރަށް ބޮޑު އުފަލެއް ކަމުގައި ވިދާޅުވެފައެވެ. 

Advertisement

ރާއްޖެ އަކީ އިންޑިޔާގެ ބައެއްގެ ގޮތުގައި ސިފަކުރައްވައި، ސަރުކާރުގެ ޑެޕިއުޓީ މިނިސްޓަރެއްގެ މަގާމުގައި ހުންނެވި ބޭފުޅެއް ވާހަކަދައްކަވާފައިވާއިރު، ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހުގެ މިސަރުކާރުން އިންޑިޔާ އިން ބާއްވަމުންދާ ގުޅުމާއިމެދު އިދިކޮޅުން އަންނަނީ ނުހަނު ކަންބޮޑުވުން ފާޅުކުރަމުންނެވެ. 

އެގޮތުން، ރާއްޖެ މިވަނީ އިންޑިޔާގެ އަޅުވެތި ކަމުގެ ދަށު ވެފައި ކަމަށާ، ރާއްޖެ އިން އިންޑިއާ އާއި އެކު "ގޮތް ނޭނގޭ" އެތައް އެއްބަސްވުމެއް ވެފައިވާއިރު, އެ ގައުމުން އެތަކެއް ލޯނުތަކެއްވެސް ނަގައި ރާއްޖެ މިއިން ދުވަހަކުވެސް ދަރަނިވެރި ނުވާ ކަމަށް ދަރަނިވެރި ވެފައިވާ ކަމަށް އިދިކޮޅުން ބުނެއެވެ. 

އަދި އެކަންކަމާއި، ރާއްޖޭގައި އިންޑިޔާ ސިފައިން ތިބި މައްސަލަ އާއި ގުޅިގެން، އިދިކޮޅުން އަންނަނީ "އިންޑިޔާ އައުޓް" ކެންޕެއިނެއްވެސް ހިންގަމުންނެވެ.