ކޯވިޑް-19 ގެ އާލަމީ ވަބާއާއި ގުޅިގެން ސަރުކާރުގެ ގިނަ ދުވަސްތަކެއް ބޭކާރުވެގެން ދިޔަ ކަމަށާއި، ހަގީގީ މަސައްކަތެއް ކުރުމަށް ލިބުނީ އެންމެ ދެ އަހަރާއި ބައިކަމަށް ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު ވިދާޅުވެއްޖެ އެވެ.
ރައީސް ސޯލިހު މިފަދައިން ވިދާޅުވެފައިވަނީ ދިއްދޫގައި އޮތް އެމަނިކުފާނުގެ ކެމްޕޭނު ޖަލްސާގައި ވާހަކަދައްކަވަމުން ނެވެ.
ރައީސް ސޯލިހު ވިދާޅުވީ ކޯވިޑް-19 ގެ ބަލިމަޑުކަމަކީ ސަރުކާރުގެ އަމާޒަށް ވާސިލުވުމަށް އެޅުނު ވަރަށް ބޮޑު ހުރަހެއް ކަމަށެވެ.
"އަޅުގަނޑުމެންނަށް ދަތިތަކެއް ކުރިމަތިވި ކޮވިޑާއި ގުޅިގެން. ހަގީގީ މަސައްކަތެއް ކުރަން އަޅުގަނޑުމެންނަށް ތަރައްގީގެ މަސައްކަތެއް ކުރަން އަޅުގަނޑުމެންނަށް ލިބުނީ ދެ އަހަރާއި ބައިވަރު"
ރައީސް ސޯލިހު
ރައީސް ސޯލިހު ވިދާޅުވީ ސަރުކާރަށް ލިބުނު މުއްދަތުގައި އެކަށީގެންވާ މަސައްކަތްތަކެއް ކުރެވިފައިވާކަމަށެވެ.
ރައްޔިތުންގެ އިތުބާރު އެމަނިކުފާނަށް އޮތް ކަމަށާއި، ވަޑައިގަންނަވާ ކޮންމެ ރަށަކުންވެސް ފެނިގެންދަނީ ރައްޔިތުން އެމްޑީޕީއާއެކު ކުރިއަށް ދާން ބޭނުންވެފައި ތިބި މަންޒަރުކަމަށް ރައީސް ސޯލިހު ވިދާޅުވިއެވެ.
އަދި ރައްޔިތުން ބޭނުންވާ ތަރައްގީ ގެނެސްދިނުމަށް ކުރެވެން ހުރި ހުރިހާ މަސައްކަތެއް ކުރައްވާނެ ކަމުގެ ޔަގީންކަންވެސް ރައީސް ސޯލިހު ވަނީ ދެއްވާފައެވެ.
Advertisement
This content is created and paid for by advertisers and does not involve Voice Journalists
